育兒成長駐站作家

環保好物|尿布褲。清洗方法好Easy!

隨著小JM日漸長大,慢慢地我地都打算為小JM預備定學習「戒片」。
我地明白戒片並非一朝一夕既事,而係需要耐性及恆心去教導小B既。
亦有研究指出小朋友2歲後先戒片會比較恰當,
所以就算用左環保尿片都唔會強逼小JM要戒片。
我地都有做好預備工作架,
就係年中個陣我地分別買左兩條不同款既環保尿布褲,
俾小JM係日頭時間用,順便教小JM咩係「VV」同「Bubu」,
等小JM知道同對「VV」同「Bubu」有基礎既概念。
一來可以有助將來學習戒片及適應;
二來亦比較環保及慳錢呀嘛。
就係前幾日,小JM爸就買左份禮物俾我同小JM,
我就收到虱目魚精,而小JM就收到兩條新既環保尿布褲及片芯。

我仲好記得當日爸爸一拎出來個陣,小JM就已經知道份禮物係自己既,
直頭想飯都唔食就要拎啲新既環保尿布褲來一個「愛的抱抱」添。

其實小JM都用左Green Beginnings環保尿布褲有一段時間啦,
個陣因為見到有「試用裝」優惠所以就買左來試,
分別買左一條淨粉紅色及一個時尚Pattern款。
(明顯地淨粉紅色都係爸爸既指定顏色吧!)
今次亦都唔例外,爸爸揀左一條粉紅Pattern款及牛仔褲款俾小JM,
仲買多左兩包尿布芯添。

最近都有朋友問起關於環保尿片褲既一啲疑問,
原來朋友們都係有心想試,但礙於怕難以清洗而卻步。
所以今次我就決定出Post講解一下有關清洗環保尿布褲既方法啦!
 
環保尿布褲。使用方法篇:
其實環保尿布褲同片片既穿著都大同小易,
但環保尿布褲唔會有吸水珠珠,取而代之既係用「尿布芯」。
1.)先將環保尿布褲放平打開
2.)將尿布芯放入環保尿布褲內既橡筋位置,以便固定尿布芯以防走位
3.)完成後即可為小B穿著
環保尿布褲既腰位兩側設有魔術貼,
可以係幫小B穿著個陣調較至合適鬆緊即可。
同平時著紙尿片既穿法相同,
只係每次更換時換片芯就可以啦,
 
環保尿布褲。清洗方法:
如果片芯只係得小便既話,我會用以下方法去清洗:
1.) 先取出已沾有小便既片芯,再檢查尿布褲有無污穢。
如無,就可以為小B替換片芯即可。
2.) 將片芯用清水初步沖洗
3.) 用BB洗衣液浸泡片芯約30分鐘至一小時
小提示:
如果想片芯再潔淨一啲,可以用梳打粉喔,同樣方式浸泡30分鐘就可以啦。
4.) 浸泡後就可以用手洗或機洗,即可。
5.) 清洗過後就可以拎去陽光底下曬架啦!
如果片芯沾滿Bubu點算好?
其實只需要用水將片芯既Bubu沖去就可以作初步清洗架啦。
之後既處理方法就同平時VV既片芯一樣,只要浸泡再清洗就可以啦。
所以唔需要擔心太難處理。
小提示:
如果褲仔都有污穢的話,洗個陣記得記得將魔術貼好呀。
咁樣魔術貼既使用期就可以更長久啦。
另外要記得唔好用超過60℃既熱水去洗褲仔同片芯,
同時唔好加入漂白劑或者衣物柔順劑去清洗雖6,
一來避免影響到尿片芯既吸濕鎖水力,
二來避免令到小B對化學品產生過敏。

其實使用環保尿布褲都唔係想像中咁難既,
清潔係上來亦都好方便,但就可以為環保盡一分力。
是次分享係以小JM 一直都用緊既Green Beginnings環保尿布褲作參考,
如果你都有興趣不妨可以從試用裝開始,俾小B試左先都未遲呀!

♫ ESDlife靚太Club  星級榮譽會員  sleepyceci  

 BK Milk。親子語。駐站Blogger   傑。斯與晴  

 Mami Buy香港媽咪幫。駐站Blogger  傑。斯與晴 

 OhpamaOh爸媽。駐站Blogger   傑。斯與晴  ♪

 媽媽經  駐站精選Blogger  ★ 傑。斯與晴   ♬

 Ubaby Magazine。駐站Blogger   傑。斯與晴  

 MyBB.com 駐站Blogger  ★ 傑。斯與晴   ♬

 

 

如有任何查詢/合作,歡迎聯絡我同小JM 參與產品試用或者各樣活動

媽咪既Email係: sleepyceci@hotmail.com

小JM既Facebook Page: 傑。斯與晴(Jolie Babe。小JM の 成長印記)

Tags

發佈留言

發佈留言必須填寫的電子郵件地址不會公開。 必填欄位標示為 *

Back to top button
Close