唔想太早俾迷你寶嚐甜頭，所以副食品初期（4-6m）都以食蔬菜和米糊為主，到左第二階段終於俾迷你寶飲左果汁同食水果泥啦！（蘋果和香蕉）因為水果的酵素含量高，少數人會有腸胃唔舒服，而在接觸副食品之前，迷你寶都係全母乳～所以便便較稀水，之前感冒好耐，仲一度稀到完全呈現水狀～一日痾4-5次仲成日漏到成身係，屎衣洗唔停～搞到自己都就快連母乳稀便定肚痾都傻傻分不清了。
成日聽長輩話「撿塞」～ 終於在迷你寶7個月時撿塞～ 轉大人大成功！噗><” 上星期幫迷你寶洗小屁屁時，竟然同我「邊洗邊痾」搞到我當下手忙腳亂！第一直覺就係直接徒手去接，迷你寶熱辣辣的條狀黃金屎。唉！做人阿媽之後，真係每日在家執屎執尿都唔嫌臭呀！(尤其我家兩寶好會計準時間等老母食飯先來痾屎，真係搵著老母黎搞)
第一次接觸水果類副食品，蘋果算係最低敏最安全的選擇！香蕉反而容易引起過敏，所以如果寶寶有過敏體質，建議香蕉遲些再吃也無妨。「An apple a day keeps the doctor away」，蘋果含有豐富維他命和膳食纖維，可以健脾開胃和降低膽固醇。除此之外，因為蘋果中含豐富果膠，可以在腸內吸附水分排出軟便從而改善便秘啊！其實我地一般食蘋果都係洗乾淨切左直接吃。
加熱後的「熟」蘋果，所含的膳食纖維和果膠更有益腸道健康，對寶寶來說也可以減少過敏機會。去除水果類本身的寒性，比無加熱的蘋果好處更多呢。好多餐廳都會加蘋果來熬煮蔬菜湯底，個湯飲起來更鮮甜。大家平常吃蘋果都知道，剛批好的蘋果非常容易氧化，所以老一輩流傳下來的方法就係浸鹽水。(最終還是會變黑呀！)
其實除左浸鹽水，另一個方法就係直接將蘋果加熱，咁樣蘋果就唔會變黑，仲可以保持靜靜的黃色！(呢招真犀利，一定要學起來！)
將剛去皮去核的蘋果切成塊狀，分成兩碗，其中一碗直接成碗放入電飯煲蒸熱，等電飯煲跳掣再加水，就可以直接打成蘋果汁。現階段我都會以稀釋果汁為主，所以會加適量清水，水量浸過蘋果即可。
如果想要原汁就直接將碗入面蒸好的湯汁倒出來，那些就係原汁啦。果肉可以打成泥做冰磚，唔使再額外加水，下面呢張係入電飯煲前，完全唔記得左要影蒸熟的相。
另一碗蘋果則在常溫下切好，直接加清水打成果汁。
燈燈燈凳！係唔係好神奇呢？！一個人在廚房做完實驗，即刻拎出廳俾老爺奶奶欣賞！(唔知有咩咁威) 右邊呢碗係有先經過加熱的蘋果，再打成果汁或果泥，色澤漂亮。而左邊果碗黑媽媽的，就係我地平常用一般方法整的蘋果汁，黑過墨汁。
蒸過的熟蘋果，味道也更多了一點甜味，除了外觀討好之外，味道上寶寶的接受度都大大提升！媽咪們，這招一定要學識！
我唔客氣啦！按照慣例，老母立即乾一碗，多出來的部分就做成冰磚，或者當米糊湯底、點心小果汁。如果寶寶大一點，已經可以直接食果泥，就可以蒸熱或用滾水加熱後撈起，唔加水直接用攪拌棒打成果泥。就算雪過，顏色都唔會變黑，係唔係好靚先？
至於使用製冰盒的貼士，個人習慣係比較不建議貪心裝太滿，如果唔係整出黎好容易痴埋一齊，你濃我濃難捨難離。鍾意我今日的分享嗎？發揮實驗精神，自己郁手試下啦！呢兩日小維哥又咳又發燒，連續兩日燒燒退退，仲兩度高燒39度。(基本上媽媽我見到超過38.8度就會很緊張)
通常只要哥哥先感冒，迷你寶都一定走唔甩，都跟住咳了。原本蹦蹦跳跳的暴走哥，呢兩日食慾不振，而且從兩歲半到呢家，體重一直停留在14公斤，反而身高97厘米有一直長高。小兒科護士話小孩子體重都會有一段停滯期，只要食量正常、活動能力佳，就唔使太擔心，但我都好希望小維哥可以長多點肉啊！
編按：
【根據營養師表示，水果在切開接觸空氣後，部分營養會流失，就好似食物經過烹調過程咁。蘋果含有豐富果膠，具有良好的排毒作用，可以同膳食纖維一齊合作清理腸道。蘋果加熱後所含的多酚類天然抗氧化物，含量將會大幅提昇。
屋企擺好耐的蘋果通常唔好食，可選擇加熱或蒸煮再食，其中的鉀、果膠、綠原酸和類黃銅都可以保留，但維他命C容易流失，需要靠其他食物或水果補充。此篇著重於唔變色，吸引孩子興趣同食慾，媽媽以果膠、多酚類天然抗氧化物為主要訴求，維他命C仍需加強其他食物來達至營養均衡啊！】
