因為好多人話食得多奶咀口部發展，出牙會有問題，而且怕好難大個戒奶咀……

但確實食奶咀能夠安撫寶寶情緒，能夠令佢地可以容易入睡…..

我自己認為，食奶咀亦滿足到BB係某段時間成長上口肌發展的需要。

口肌即口部肌肉，包括上下顎、唇部、舌頭及面頰活動控制上的肌肉。

口部感官訓練對於小朋友將來說話及吞嚥都好重要。

如果小朋友好怕被觸摸面部及口部，唔中意刷牙，成日流口水……

又或者唔中意試新食物，抗拒難咬既食物，甚至食野飲野容易咳或作嘔，

這些都是口肌有障礙的徵兆。

所以，訓練口肌或者滿足口肌感官都係好重要的。大個D既小朋友可以做吓吹波波同吹笛練習，但new born 階段都可以俾佢地多運用口部。

以用奶咀為例，專業意見都會覺得起初用奶咀，bb可以練習到口肌的張力，亦可以令BB理解多點吸吮的動作。

但大約在5-6個月期間，BB需要吸吮的本能反應就會減少，所以需要奶咀的幫助亦都應該降低。

同時，餵人奶既媽媽，亦有專業意見認為BB如果在頭1-2個月食奶咀，就會好容易將奶咀同媽媽的乳頭混淆，所以不建議給予奶咀。

所以總括來說就是3-6個月是可以給予奶咀既時間……

至於我自己，我認為小朋友其實有口肌嘅需要就應該畀佢滿足，所以隔咗兩個月等阿仔食慣人奶之後，我就已經畀佢食奶嘴啦

不過食得多與否，就係一個家長可以控制嘅地方!!!

對於caleb b嚟講，食奶嘴只係喺佢瞓覺嘅時間發生，每晚我都會畀個奶嘴佢，問佢要唔要呀?

問佢呢個動作其實係希望有一日佢發覺自己都唔需要奶咀都可以入睡,佢有呢個選擇權…

所以阿仔而家一見到奶咀就知道係瞓覺時間，亦都幫佢習慣routine structure~

咁平時又有咩口肌嘅練習呢？

如果手指乾淨嘅話，我都會畀佢食手指……亦都會買一啲牙膠畀佢咬，例如呢種

因為對於bb嚟講，手指…奶咀…牙膠嘅質感都唔同，對佢嘅口肌發展都係好好㗎

所以媽媽們，大家可以慢慢考慮吓唔同嘅理據，按bb 獨特既需要，決定需唔需要畀奶嘴你哋嘅BB， 更重要係畀嘅方法同埋質量都係好緊要既。

The post New born 4-6個月_用唔用奶咀好呢? appeared first on MamaClub HK | 媽媽嘅專屬資訊平台.

蒙特梭利教學主張以小孩子為本，強調獨立自主，在有限度的自由下學習選擇。透過營造一個良好愉快學習環境，令小孩子可以有更多的求知慾，主動探索和發展潛能，增加信心。有別於傳統的教學，主動學習的角色應該在小孩子身上，家長、校方和治療師是當中的引導者。

蒙特梭利教學主要有以下範圍

1. 生活自理能力
2. 感官接觸
3. 語文基礎
4. 數學基礎
5. 不同文化學習(如科學、藝術、天文、歷史等)

其實同職業治療的概念若同，我們都強調小孩子建立自理能力並在玩樂中學習，亦有感覺統合去訓練孩子不同感官……所以我都大致同意這種學習方法。

順帶一提是坊間愈來愈鼓吹蒙特梭利教學，但真正源用蒙特梭利教學的卻不是全部，所以家長可以了解學校是否得到國際蒙特梭利協會（AMI）的認證，那就達到一個國際認可水平了。

將踏入一歲，孩子需要建立的再不是安全感，而是獨立能力，小朋友會渴望「我做得到」，這個階段，爸爸媽媽可以多點放手讓小孩摹仿我們日常小生活，我會建議大家讓小孩多參與以下幾個活動，他們或許會做得不夠準確，但能力上絕對合適嘗試~

1. 自己擦牙，記住一步一步，先讓他看看家長點擦，再幫你擦，再自己學習
2. 自己進食，由用手指(self-feeding，詳細可以睇我之前個post)，再到用匙食(spoon-feeding，我下次會寫呢個post:p)
3. 自己用飲水杯(Sippy cup)，甚至用膠杯
4. 自己執拾尿片盒或者幫手抹枱面

記住，一切學習都是由玩樂和日常生活開始！

The post 【CalebMa】快一歲大了! 蒙特梭利教育法及生活技巧小TIPS appeared first on MamaClub HK | 媽媽嘅專屬資訊平台.

小朋友在甚麼時間循序漸進學習走路呢?

到大約8個月開始，小朋友就會扶住唔同既傢私將自己拉起身，呢個時間，小朋友開始學習緊行既姿勢同埋當中需要既平衡力。

到8-9個月，當佢開始能夠扶住你的手起身，掌握到當中的平衡而不跌倒，我們就可以幫助佢，扶住佢肋旁走兩步，又或者鼓勵佢扶住牆身梳化周圍走走。

隨著佢既平衡力有所進步，小朋友會在9-12個月踏出他們的第一步，直到12-15個月佢先會正式行路。

(不過呢個只係粗略既時間表，Caleb到差不多16-17個月才正式行路，我亦無擔心過，佢而家都行得好好啊，所以切勿操之過急啊!!!)

走路需要甚麼能力呢?

其實行路都要好多學問……- 平衡力，尤其需要可以將自己的重量由左右兩邊移動並推前- 下肢力度去支撐身體- 姿勢控制及四肢協調

有咩係唔應該做?

1.不要學行車

最重要係現在好多專業意見，包括The American Academy of Pediatrics都不不不鼓勵小朋友用學行車去練習走路，原因係學行車其實會拖慢了小朋友走路既發展，而且亦容易造成危險呢~

2.不要在屋裡穿鞋子

其實不用花金錢去買步行鞋的，室內地方相信已很乾淨，亦沒有突出來危險的地方，光著腳或穿防跌襪子反而可以提升小朋友的觸覺，並幫助建立雙腳及腳跟的肌肉張力。

有咩可以玩?

1.向上飛

– 將玩具放在距離小朋友頭上高一點點的地方，吸引他企直去捉住玩具，訓練他的平衡力

2.排排椅

– 將椅子一張一張排在牆邊，成為一個穩定的扶手，將玩具放在最後的一張椅子上，又或者放一條色彩繽紛的頸巾吸引他向前行。

3.推車車

– 找一些玩具可以讓孩子雙手扶住推前走去練習，例如先是大紙皮盒(無車輪的)，到玩具超級市場車仔(有輪的)，讓他有一個支撐點去練習走動

最後還是想溫馨提示多句，孩子的步伐有快有慢，除非他在1歲半前仍未能學習走路，家長都不用擔心太多。

Caleb也不是一個fast walker，我亦聽過身邊有長輩提醒我同佢做檢查，擔心佢行路有問題，覺得我要「睇緊d」……

學行有感是，要堅持自己原則和相信合理的步驟，時候到就會行，根本不用催不用擔心不用逼，每個寶寶都大不同，做爸媽還是要多相信自己，也相信孩子的一套。

The post 【CalebMa】寶寶8個月開始，練習行路的第一步 appeared first on MamaClub HK | 媽媽嘅專屬資訊平台.

照顧Caleb的日子裡，最讓我擔心不已的就是這個嬰兒摒息症(breath holding spell)，所以很想跟大家分享一下。

嬰兒摒息症最常見於6個月到18個月的寶寶身上，100個寶寶就會有5個出現過這種情況，男女都會有的。

當寶寶遇上突然令他感到痛楚，不開心或嚇一跳的情況，寶寶的反應是嚎哭，然後忘記了呼吸，臉色變得藍和紫，眼睛反起來，有些寶寶身體會變得彊硬，然後慢慢像暈了一樣，過了一回就恢復意識，那大概是嬰兒摒息症的徵狀。

原來，在劇烈哭泣時，寶寶肺內空氣會被用力排出體外，於是剩餘在肺內的氧氣存量有限，血裡能獲取的氧氣量會自然地減少，臉色就會有變，亦會出現好像抽搐的反應。

Caleb第一次發生這個情況是6個月大，當時我還是半職媽媽，是Caleb的婆婆親睹這個情況，著實地嚇壞了她。當我們回到家時，Caleb已經沒事了，只是看起來有點疲倦，所以也輕視了處理的方法。

第二次出現的是約8個月大，當時caleb跌了一下，又是這樣好像抽搐的情況，我和爸爸看到都十分擔心，因是晚上，看到他沒有嘔，日常的動作和情緒亦沒見異常，於是第二天才帶他看私家醫生，才知道合適的處理方法應該是這樣的：

(1)最重要是將孩子放下，躺臥在地

(2)檢查口裡是否有食物，好像急救一樣呈「復原卧式」，以免噎住

(3)孩子應該於一分鐘內恢復呼吸，如果多於一分鐘未能自己呼吸，就要CALL 999了，據私家醫生所說，醫院會留院做ECG(心電圖)檢查，確定孩子是嬰兒摒息症還是其他問題，如癲癇症或心臟的情況

至於有無方法預防呢？

一般專家都認為家長不要因怕孩子有嬰兒摒息症，所以盡量不令小孩哭泣，一方面是不想過於寵壞小孩以致將來有行為問題，而且哭泣也是一種正常的情緒調整，所以不用避免。

當孩子大一點，家長可嘗試講出孩子的感受，讓他學習用言語去表達。

亦有部分家長經驗，當你觀察到孩子開始哭到不抖氣時，吹吹孩子的面讓他意識到都有助停止情況發生(而這個caleb B都work) 。

私家醫生最後寫了轉介信給我們到公立醫院做檢查，但排期已經排到一年半之後，事實上Caleb B在一歲之後這個情況已經慢慢減少，到現在(一歲半)已經沒有發生了(感謝天父！)

所以各位家長遇到這個情況不要慌，了解清楚如何處理，跟他同行就好

執行編輯＼Sandy 核稿編輯＼Helen

The post 哭到停止呼吸！嚇壞爸媽的「嬰兒摒息症」 appeared first on MamaClub HK | 媽媽嘅專屬資訊平台.

當時Caleb剛出生有肚風的問題，睡覺也睡得不好，還有頭泥……好像有很多很多情況也是令人頭痛頭痛

The post 【CalebMa】每個孩子總有段黑暗時期 appeared first on MamaClub HK | 媽媽嘅專屬資訊平台.