文章是上年發佈在 oilbible 內， 最近好多人問點整蚊磚， 所以搬過來再分享，最近屋內好多蚊飛入，是時候要做蚊磚防一防蚊~

做蚊磚既方法非常簡單， 而且除了防蚊外， 同一做法， 換不同既精油， 就會做成香磚咯~
使用方法：掛窗邊， 廁所， 大門， 汽車， BB車， 床邊等以作防蚊之用， 用到無味時用刀摑除表面即可繼續使用~另可改用不同精油， 作為香磚使用， 以下參考：
衣櫃：薰衣草精油 (驅蟲)廁所：淨化精油 (除味， 防蚊)鞋櫃：茶樹精油 (抗菌)

推薦閱讀：自製防蚊磚和防蚊液，雙重防護蚊蟲不敢來

材料：蜜蠟 (我用左香磚蠟， 成本低， 完成品會是白色的)， 硬脂酸 (完成品會實淨同耐潮一點)， 精油 (我今次用了薄荷， 香茅， 檸檬香茅)也可以全用蜜蠟取代。
工具：燒杯， 攪伴棒， 矽膠模， 電磁爐， 紗袋

以下份量可以做到4-5 粒蚊磚， 大小約 4.5 x 4.5 x 2cm首圖星星果粒最大， 約6x6x2cm50g 香磚蠟 + 50g 硬脂酸

 

隔水加熱，攪伴至溶化

【Tracy 翠絲愛分享】授權轉載　原文出處【DIY: 防蚊磚 / 香磚 (附材料包購買)】

The post 三個材料DIY：惡蚊退散！可掛式天然防蚊磚 appeared first on MamaClub HK | 媽媽嘅專屬資訊平台.

我地去到已經差不多五點 (星期一收七點) 所以一去到就直接上三樓新開的兒童天地玩左先~

人唔算多, 我發覺90%都是男孩子, 哈哈~

祖晞好興奮, 所以一直都跑咁去玩, 乜都玩下摸下睇下

今次兒童天地以木製玩具同工程部份為主題

每一樣玩意都好有趣, 好新觧, 幾值得去玩下~  太年幼既小朋友今次好似唔係太適合, 因為無左可以爬或者軟身既玩具了~

抱怨文:

即使人唔算多, 但好多時要玩都等, 等唔緊要, 可以排隊, 最慘既係…… 無隊排, 因為有幾次都係我同祖晞晌度等玩緊果個小朋友玩完既時候, 就有其他小朋友晌中間插隻手埋黎, 有D設施波得一個, 咁比其他人插隊拎左, 想一齊玩都唔得啦~   等完一次又一次, 有時等左三次都未到我地, 真係焗住出聲~

最嚴重係晌工地果度, 我知個個小朋友都好興奮好想玩, 但都有守下規矩先得架~  試過工程入面果度D車仔, 基本上一定有人玩緊, 但你見到最多推住車既係媽媽囉~   媽媽們幫手 “巴” 住架車仔, 但自己個小朋友根本就係玩緊其他野, 咁會唔會自私左D 呀~

又試過終於見到有車可以推啦, 你玩玩下, 都可以有小朋友晌中間夾硬推走你架車, 重點係…. 你話佢, 佢都無反應, 又無家長一齊, 周圍就見到好多家長坐晒晌出面傾計玩電話~   其實帶小朋友一齊去玩, 唔係應該一齊參與既咩, 全部坐埋一邊乜都唔洗玩既咩~  就算你小朋友已經大個, 可以自己玩都好啦, 咁晌個咁細既地方, 又有D好細個既小朋友, 又推車咁, 係咪都應該留意下呀?

整車果度, 有好多配件可以整落架車度, 又或者拆, 但可惜只有兩枝 “鑼C批”, 如果可以整多幾把就好啦, 可以多D小朋友一齊玩~

重有一架有路既車仔, 即使人唔算多都好, 15分鐘內都玩唔到, 原因就係有D小朋友一直玩, 唔肯讓, 就算有人排隊等都話知你, 行完一圈又一圈, 個阿媽望都唔望你, 叫個囝繼續玩~   咁自私都得既~

正因為唔太多人, 所以玩完一轉可以出番去排隊即刻又入過去玩~  今次一入去就即刻玩左路軌車仔先,  同埋重比上一轉小人, 所以基本上咩都可以玩到, 唔洗爭~  正~

整個兒童天地唔算大, 所以今次我地只有兩小時但都可以玩晒, 再睇埋 Miffy 個拯救海洋展覽~

總括黎講都幾好玩, 祖晞話好開心, 好想再去, 但真係要揀無乜人既時候先去!

如果去玩既人仕都可以自律的話, 大人小朋友會玩得更開心~

**按下圖觀看影片**

  Tracy 翠絲愛分享請訂閱我的頻道, 不定期會更新育兒, 開箱文, DIY 教學等等, 記得按下鐘仔, 有新片會自動收到通知喔~

查詢請電郵我們

The post 【親子好去處】香港科學館全新兒童天地 Miffy 之拯救海洋 + 抱怨文 >< (影片) appeared first on MamaClub HK | 媽媽嘅專屬資訊平台.

今次我地晏左黎, 玩左小小一樓既設施就上左二樓, 是上次來的時候祖晞已想去但已太夜所以無去到既地方

配合多個激發創意、手腦並用的遊戲，強化孩子在科學(Science)、科技(Technology)、工程(Engineering)及數學(Mathematics)上的知識，引發創意思維。

• 對象：3 至 12歲
• 地點：第二層2052-2053號舖
• 時間：每節60分鐘

11:00am-7:00pm(逢星期一至五)10:00am-8:00pm(逢星期六、日及公眾假期)

票價：$70/60分鐘(逢星期一至五)  $90/60分鐘(逢星期六、日及公眾假期)

預約: https://www.dpark.com.hk/tc/mi/journey/details.html?course=167

我們沒有預約, 直接 walk-in 入去

一入到去最吸引的一定是牆上的投射螢幕同埋D 汽球

小朋友可以油顏色

填色後小朋友設計的海洋生物便會出現在螢幕上咯, 祖晞一共油左兩幅

入場時家長可以陪同, 也可以不會陪同!  因為場內會有職員陪玩呢!!  職員都好有愛心同埋真係陪玩, 唔係hea 玩架~

場內有好多不同的玩具

桌遊

幼兒區

我地有陪祖晞一齊玩 大人不用收費, 所以我地是 $90/三個人玩, 哈哈~

除了以上的磁石玩具好得祖晞歡心外, 呢個影像遊樂設施都係他喜愛之一

部機會感應用不同顏色的積木而做出不同的道路, 如紅色是火車, 黃色是飛機等, 每加一個積木道路和交通工具也會因應而變化

不停重覆設計他的城市, 每次整完他就會坐低睇住個螢幕 (相片沒拍到, 在影片可以看) 看著他的道路車子如何行駛~

雖然是每小時收費, 但可以不多, 沒有趕我地走…. 我地玩左兩小時, 下次會再黎!

**按下圖觀看影片**

  Tracy 翠絲愛分享

請訂閱我的頻道, 不定期會更新育兒, 開箱文, DIY 教學等等, 記得按下鐘仔, 有新片會自動收到通知喔~

臨走重有紀念品同大汽球一個呢~~

查詢請電郵我們

The post D.Park 多元智能學習旅程: 玩轉STEM 旅程 appeared first on MamaClub HK | 媽媽嘅專屬資訊平台.

清明節假期，天氣不錯，於是跟家人到448農莊逛逛！  假期去的話一定要預約喔，因為經常滿額的喔！

農莊位置比較入，最好搭的士或自駕，這裡離我家約15-20分鐘車程，很方便！

很多位置可供泊車，不收費，見到這隻大熊貓就是購買門票的地方咯！   

入場小朋友有禮物收！

出發！

好美的花園呢！

一入去就看到紅色巴士，草地和小食部。

環境好靚，好舒服！有人潮限制關係，假日也不會覺得好迫人，空間非常大，這點我非常喜歡！我最怕人多！

大部份地方都要求露天，職員會不斷地加開太陽傘，很貼心呢！

重有免費爆谷送！

巴士是可以上去的喔！（是可以用餐的地方！）

還可以試下做司機。

上層望落去，環境好開揚呢！

這架是真車…，就是用來運送太陽傘到各個野餐區的。

周圍也是裝飾得很美的植物。

還有不同展品供拍攝用！

洗手間是踎廁，家人說幾乾淨，我也見到經常有職員清潔。

好多地方都裝飾得好靚！

沙池，呢個留番最尾先玩。

另一個草地和野餐區。

雪糕筒下竟然有個蟻竇，祖晞一腳踩下去…. 好多蟻走到他的鞋和褲上，嚇得他大叫！  幸好我隨身帶著 thieves spray，對著他的腳狂噴，把牠們驅趕了！

參觀不同的種植方法，可以加 $30/位參加導賞團。

參觀完植物，周圍影下相。

工作坊的地方 （右邊的小朋友在做什麼？）

有兔仔和雀鳥觀賞。

兒童遊樂設施，雖然小小的，但小朋友也玩得好開心喔！

有滑梯

有攀爬和千秋

有不同的地方，左穿右插，小朋友最喜歡。

還有小型賽車（免費）和平衡車出租。

途經看到一大群山羊在吃草呢！  

又有另一個大草地和野餐區！ 下次一定要來野餐呢！

每次拍照祖晞總是要一起拍！

足球機又可以消磨一番。

我們參加了雪糕工作坊：過程有趣，又有得食。

夠晒消暑。

然後有唱歌表演。

小食部因清明節關係所以有自製的「雞屎滕」出售。

還有車厘茄試食！從不食車厘茄的我也覺得好味，真的好甜呢！ 我們也買了一盒一邊聽歌一邊食。

草地上還有小小的滑梯和搖搖板。

最後的活動便是沙池咯！

越玩越起勁，訓晒身去玩。

沙池附近便有清洗的地方。

禮物的完成品。

環境真的好舒服，唔迫人，夠晒空間，讓小朋友可以接觸到大自然，整體上職員都非常有善，很適合一家大細，三五知己朋友們一起野餐，遊玩！

延伸閱讀：[color-2]【親子好去處】滙豐智樂遊戲萬象館 Playscope[/color-2]

The post 【親子好去處】元朗448農莊，開心玩沙野餐去！ appeared first on MamaClub HK | 媽媽嘅專屬資訊平台.