有BB &#8211; MamaClub HK | 媽媽嘅專屬資訊平台

【媽咪二次懷孕8W】有勇氣再一次經歷.. 懷孕至分娩的過程

【媽咪二次懷孕13W】第一及第二次健康院產檢及到醫院唐氏篩選

***自家製健康菜式食譜***

好味粢飯、少油足料雞札、野味麻油手撕雞、超大粒三色燒賣

***滋潤湯水及糖水食譜***

***養生食譜分享***

富維他命C及增強抵抗力！三色椒炒肉片

***超簡單兩款材料搞掂一個菜***

蒸餸食譜：冬瓜煮肉碎、簡單肉碎蒸滑水蛋、$18魚肉豆腐老少平安

香煎食譜：魚肉煎豆腐、香煎金黃色蕃薯餅、$18有口感馬蹄煎魚餅

$20香口蓮藕煎魚餅

香炒食譜：5分鐘搞掂！節瓜炒蛋、爽口簡單炒三絲、唔辣野味版螞蟻上樹

***閒時煮飯外的方便選擇***

雜錦炒飯、家鄉炒米粉、電飯煲雞肉懶人飯、小油版雜錦炒伊面

The post 孕婦簡單湯水分享 X 健脾益氣！北芪黨蔘豬展湯 appeared first on MamaClub HK | 媽媽嘅專屬資訊平台.

【媽咪二次懷孕21W】中期結構超聲波啦！話你知有咩要注意啦！

皓喬媽咪 — Fri, 10 Apr 2020 22:32:18 +0000

溫馨小提示：大家都知道唔係每一位婦產科醫生都可以幫孕媽咪照結構超聲波，所以如果睇岩一位醫生，都記得先問清楚醫生有無依個服務，如果無的話就要一早搵定心水醫生啦！

預約照結構一般會係12週進行，大部分姑娘會問係咪已做唐氏篩選去確認胎兒係正常狀況，而實際照的時間大概會係20-22週進行。

今次同大家分享我第一胎同第二胎照結構的分別！我第一胎照的醫生三年前價格係$2500，轉眼間宜家已經跳到$3800，再加上當時等咗2小時，結果照得10分鐘，所以今次我決定搵搵有無第二位醫生適合！

我睇開的婦科醫生診所都有位可照結構的醫生，不過價格都同上述接近，所以我有繼續再搵搵！而最後比我搵到有位網上評價唔錯，而且價格好佛心的$2000 2D圖連報告，不過依位醫生只做結構，而唔做一般產檢，所以未有太多人有更詳細的評價，不過我都試試預約先！

今胎我有做到Nifty Pro確認好胎兒發展上正常，所以未夠12週我就已經打去預約，之後約咗20週的期照！

當日我輪候大概20分鐘就到我，照咗接近30分鐘。相比起第一胎等兩小時照10分鐘，真係差好遠呀！今次呢位女醫生解釋得非常詳細，基本上每一個部位都講得好清楚，甚至血流動既超聲波圖都會畀我哋睇再解釋多次。

遇到bb唔啱位，佢會暫時照住其他部位，我知出面有醫生會叫孕媽咪先係外面行行再照，不過變相浪費更多時間，所以依樣我都好欣賞！

以下講講有咩胎兒重要位要照：一切的器官及外觀，好似手指腳指，眼耳口鼻等等。今次醫生照到bb有一邊腎比正常大咗0.2mm，希望稍後慢慢會細返，唔好似筋肉寶寶咁出世要做一堆檢查啦！

另外仲有孕媽咪重要位：

第一樣係胎水量，如果出現過少或者過多就問問醫生要點做；醫生幫我睇咗我的胎水水平比一般高，接近去到妊娠糖尿的臨界點，所以我要緊急進行減糖工程，下篇再同大家分享！

而第二樣係宮頸位，今胎bb有郁到好低，所以我唔經意同醫生講咗聲，佢就即刻幫我度胎盤底至宮頸的位置，確認宜家胎盤係正常位置，所以我都放心啦！

今次好興幸醫生話比我聽胎水同胎盤位置的解答，等我自己都可以及時做準備，而最尾大家記得拎返結構照聲波報告比醫院做記錄呀，最簡單都會有類近一封信同相關超聲波圖比返你！

今次可以公佈第二胎係bb女，基本上好多衫都要買過啦！！

如果你有咩關於生BB、產檢或者照結構想知道，歡迎inbox我呀！！

懷孕中看到筋肉寶寶的成長，更令我期待二胎BB的加入！

二胎懷孕日記分享：

【媽咪二次懷孕8W】有勇氣再一次經歷.. 懷孕至分娩的過程

【媽咪二次懷孕13W】第一及第二次健康院產檢及到醫院唐氏篩選

每週小煮意食譜、二寶日常點滴、親子好去處、大家記得要follow呀！

喜歡玩IG的朋友記得Follow：kylife.babies

面書專頁：Kylife與二寶之日常

Email：Kylife114@gmail.com

精選孕婦食譜分享！

孕婦岩飲！健脾潤肺！補氣補血！北芪黨蔘豬展湯

孕婦岩飲！健脾益氣！益肺止咳！淮山豬展湯

孕吐必食！益氣養胃！袪水腫！瑤柱蒸節瓜

The post 【媽咪二次懷孕21W】中期結構超聲波啦！話你知有咩要注意啦！ appeared first on MamaClub HK | 媽媽嘅專屬資訊平台.

孕媽咪懷孕好物推介 X 孕婦便秘好辛苦！益生菌小知識分享！

皓喬媽咪 — Wed, 08 Apr 2020 12:08:36 +0000

10個孕媽咪9個都有懷孕便秘的痛苦:(，而且愈後期愈嚴重，就算多飲水同多食高纖蔬菜，都未必一定解決到！我陀筋肉寶寶係八個月先開始便秘，不過今胎我未夠六個月已經出現啦，所以我試吓用益生菌輔助去幫手！

經朋友推介試咗Nova Scotia有機益生菌及益生元咀嚼片，未食前我成日肚谷谷，有時三四日都無得去廁所，不過每日一粒益生菌食咗一排，我就慢慢開始順暢返，最遲兩日都有一次，減少便秘對孕婦嚟講真係超開心呀!同埋呢隻益生菌食落係天然果味，幾好食！其實孕媽食益生菌真係好好，陀過都知，孕期抵抗力真係低好多。食益生菌可以同時提高媽媽同BB既抵抗力。

其實以前我都會上外國網站買保健品，不過而家孕期食落肚既野我會好小心選擇，係見呢隻有美國USDA認證我先安心食！同埋喺Organic Plus有得賣，起碼係香港有機連鎖店賣得既，品質都應該會有保證。

PS# Nova Scotia有機益生菌及益生元咀嚼片最近喺Organic Plus 做緊限時抗疫優惠88折，有興趣可以趁有折而家買來試下。唔近門市可以網購：

https://www.organicplus.com.hk/zh-hant/Product/EshopDetail/Probiotics/class-0/product-86932/cm-24930/d-0

益生菌小知識

服用益生菌有效改善腸道健康及減少便秘，幫助減重，仲增強皮膚及身體免疫力添，特別宜家疫症愈來愈嚴重，除咗透過食療運動提高身體抵抗力，其實益生菌都係好好既選擇, 所以大家都開始考慮自己的健康益生菌人生啦!

懷孕中看到筋肉寶寶的成長，更令我期待二胎BB的加入！

二胎懷孕日記分享：

【媽咪二次懷孕8W】有勇氣再一次經歷.. 懷孕至分娩的過程

【媽咪二次懷孕13W】第一次及第二次健康院產檢及到公立醫院做

每週小煮意食譜、肥貓與肥B日常點滴、親子好去處、大家記得要follow呀！

喜歡玩IG的朋友記得Follow：kylife.babies

面書專頁：Kylife與二寶之日常

Email：Kylife114@gmail.com

The post 孕媽咪懷孕好物推介 X 孕婦便秘好辛苦！益生菌小知識分享！ appeared first on MamaClub HK | 媽媽嘅專屬資訊平台.

【媽咪二次懷孕13W】第一次及第二次健康院產檢及到公立醫院做唐氏前期篩選！

皓喬媽咪 — Fri, 27 Mar 2020 07:47:08 +0000

今次主要分享我兩胎的政府產檢體驗，同埋我的懷孕經驗分享比各位孕媽咪！

我第一胎好好彩被助產士揀中可以喺威院做產檢，所以由第一次登記到生BB都唔洗去健康院做檢查，不過今次無依個機會啦，所以我都要同各位孕媽咪一樣健康院做產檢。

今次第二胎，由經期計算的預產期同超聲波結果偏差咗一星期，所以我想有再準確的預產期先去預約健康院。預產期小知識：唔少孕媽咪的預產期會隨著胎兒長大，照超聲波時發現開始出現偏差，無論係提前或延後。之前我都問過助產士，如果預產期差異有一星期以上，就記得要通知分娩的醫院或者健康院，因為入院紙有機會有改期嫁！

相信去健康院產檢大家都會聯想一件事「等好耐都未走得！！」我第一次預約是早上9點15分，不過我知道大概半小時前已可登記，所以我都提前咗。

第一次健康院產檢，登記後就馬上驗尿，磅重同量血壓，好快我已經見姑娘做初步諮詢，之後就再等醫生檢查同聽BB心跳，最後驗血都好快搞掂，只是無諗到等姑娘比預約紙等咗一個鐘有多，再加上最後等拎孕婦維他命等咗半小時有多，最後要去到12點半先走得！

不過最開心係健康院門口拿到一堆初生禮物！第一次完成健康院檢查，基本上姑娘態度都好好，而且好耐無做過產檢，所以我都有少少懷念嫁！

第二次健康院產檢就更加快到不得了，第二次預約時間係8:45，我8點30去咗登記，宜家正值肺炎好嚴重，所以一上到去就馬上量體溫，之後都係驗尿，磅重同量血壓，再等見姑娘加聽BB心跳，結果.. 我9:15就已經走得，比我想像中用少好多時間添！不過可能真係太早，所以我完全見唔到門口有一堆奶粉商的申請姨姨踪影！

我的第二次醫院唐氏前期篩選記

第12週我去到威院做唐氏前期篩選個時，同樣跟第一胎一樣進行抽血及超聲波檢查度頸皮！當中最有緣係為我照的護士都係三年前的同一位護士，當時依位護士都猜中筋肉寶寶係男仔，其實今次護士又估中今胎性別啦，稍後我再公佈^^！

如果你有咩關於生BB、產檢或者照結構想知道，歡迎inbox我呀！！

懷孕中看到筋肉寶寶的成長，更令我期待二胎BB的加入！

二胎懷孕日記分享：