洗衣機是每個家庭的必須品，如何洗乾淨洗衣機好重要。使用洗衣機的頻率，長則一星期一次，短則隔日就會用，但係日日都洗衫，媽媽都依然見小朋友東抓西抓，以為係過敏，誰不知係洗衣機太污糟甚至發霉所造成，有時仲被人誤會無照顧好小朋友。
宜家來教大家點樣洗洗衣機
「紫菜」係應該洗洗衣機的訊號
洗衣機用來洗衫，但唔代表洗完之後會變乾淨，因為洗衣機經常處於潮濕狀態，加上衣物上面的髒污、皂垢等，多多少少都會殘留在洗衣槽入面，長年累月累積下來，就會成為細菌和黴菌滋生的溫床，如果發現洗好的衫上面有「紫菜」污蹟，部洗衣機應該好污糟啦。
「一條大浴巾」竟然可以洗洗衣機
最簡單的清洗洗衣機方法，媽媽可以準備：
- 白醋 200毫升
- 大浴巾 一條
- 小梳打粉 100毫升(約一杯米份量)
做法
- 先將大浴巾浸在白醋裡，全條要濕透。
- 將大浴巾放進洗衣機，使用「脫水」功能，這樣白醋就會在脫水時散落在洗衣槽每個角落(重點)。
- 讓洗衣機轉動3-5分鐘後，「注滿水量」靜置浸30分鐘，再讓洗衣程序跑完全程。
- 放入小梳打粉，讓洗衣機轉動3-5分鐘，靜置浸30分鐘以上(或1小時)，然後把水放掉，再注滿清水，以一般程序清洗一次。以上都不用再等，按完之後就不用理它，可以利用時間休息或做其他家務。
- 等洗衣機完成脫水之後，超簡單的清潔就完成了！有沒有很乾淨，連大浴巾都洗到白白淨淨呢。
就算平常有幫洗衣機沖涼，建議三至五年還是要整個拆開來大清洗，徹底清潔浸泡唔到的地方。
保養洗衣機小動作：
- 洗完衫記得打開機蓋通風
- 機槽內積水要排清，保持清潔乾爽，以防細菌滋生
- 記得將洗衣機底部異物清除
- 洗衫前「停看聽」，檢查衫袋褲袋有無袋住野，洗衣槽內如果有衫鈕、銀仔、髮夾等，都要盡快清走，以免磨壞洗衣槽
- 長期唔用的話，記得搵塊膠布(用唔用的雨褸剪都得)或唔要的大布笠住，避免日曬和封塵，保持機身光亮整潔
