駐站作家

【媽咪二次懷孕20W】與你分享不同懷孕時期需要什麼營養!

好多孕媽咪懷孕前睇唔少懷孕前期準備文章,我當然都唔例外,只不過我陀第一胎一早計劃好,但結果孕吐到暈,一直到後來二十週開始先有正常飲食,所以我由二十週開始先吸收需要的營養;直至宜家第二胎情況亦差唔多,不過係度都想分享我搵到的孕婦飲食資訊比各位孕媽咪參考睇睇。

懷孕初期由孕期零至三個月

未懷孕至懷孕初期三個月的孕媽咪最首要吸收葉酸:每日吸收400微克,幫助胎兒中樞神經的初期發育,減低出現脊骨缺陷既機會等等!

而葉酸最好由想有BB開始服用,服用三個月先充分發揮功效嫁;除咗服用補充劑,葉酸都可以係日常食物中吸收到,好似豆類同綠葉蔬菜,所以由有咗開始食多啲蔬菜,仲可以預防孕婦便秘添!

除咗葉酸,懷孕全期都要多吸收鈣質,孕媽咪可以服用孕婦鈣片或多食高鈣食物,好似芝士、黑芝麻,奶類及豆類食物等等。

懷孕中期由孕期四至六個月

兩胎不約而同都係孕中期開始胃口轉返正常,所以我先可以開心享受每一餐!!依個階段既孕媽咪最緊要多吸收蛋白質:雞蛋、肉類、魚類及豆類食物等,幫助胎兒的肌肉發展;超推薦大家每日食啲毛豆,有豐富蛋白質又可防便秘!

另外要補充鐵質:肉類、燕麥、蛋、南瓜、馬鈴薯等食物,減低孕媽咪提供血液比胎兒所造成的身體負荷,好似我係孕初期血壓偏低就循序漸進飲返補血湯水;到孕中期又開始再出現易暈同血壓偏低,所以又要加強補血,依牌我都努力吸收鐵質!好似煲完湯有肉的材料我都盡量食埋,一來唔浪費二來吸收返湯的精華同鐵質蛋白質!


懷孕後期由孕期七至十個月

孕後期因為胎兒愈來愈大,開始會向上發展,然後開始壓倒孕媽咪胃部同肺部,所以胃部會開始持續不舒服,食量有機會大減,依個時候要採取孕初期少食多餐的進食方法。另外好多孕媽咪依個階段平訓會開始抖氣唔太順暢,我當時會用高枕頭同三角枕去舒緩,感覺抖氣都會舒服啲。

而大家都好關注既清胎毒亦可慢慢開始,我計劃由最簡單既豆腐花芝麻糊開始食,之後再加入白果腐竹雞蛋糖水桑寄生蓮子蛋茶等等,我知唔少孕媽咪會最後加埋椰子水西瓜,不過大家要按返身體情況而決定進食時間呀。

懷孕中看到筋肉寶寶的成長,更令我期待二胎BB的加入!

 

每週小煮意食譜、二寶日常點滴、親子好去處、大家記得要follow呀!

喜歡玩IG的朋友記得Follow:kylife.babies 

面書專頁:Kylife與二寶之日常

Tags

kylife

90後媽媽分享懷孕歷程同照顧仔仔筋肉寶寶的搞笑經歷

發佈留言

發佈留言必須填寫的電子郵件地址不會公開。 必填欄位標示為 *

Back to top button
Close