踏入孕後期除咗執走佬袋同做孕婦運動，仲有就係準備清胎毒！我上胎大概三十五週開始清，不過食唔到幾次就去咗生bb啦，唔知次數太少關唔關事，上胎我生得好辛苦.. 所以今胎決定早少少食溫和清胎毒糖水，大家有興趣可以參考我既食譜，大部分係屋企都整到，健康少糖版添！
我今胎32週開始食桑寄生蓮子蛋茶、豆腐花同芝麻糊，以下分別講吓每款既內容先。
女性恩物 – 桑寄生蓮子蛋茶，暫時只飲過一次，因為皓皓唔係太適宜飲，所以我比較少煲，不過桑寄生買一次份量都好多，相信都有排煲，甚至生完再可以煲嚟飲！
桑寄生蓮子蛋茶功效：補血，安胎，催乳
食用次數：32週開始一星期一次
食譜連結：懷孕血壓低岩飲！女人恩物！桑寄生雞蛋茶
豆腐花，我建議大家買新鮮每日即製個種，獨立包裝豆腐花食落真係甜啲，我因為擔心妊娠糖尿問題，所以我大多數選擇食每日新鮮街市買個種，糖份量就自己落啦！
豆腐花功效：有膳食纖維防便秘，有大豆卵磷脂可以防塞奶同乳腺炎
食用次數：32週開始一星期一次
芝麻糊，我唔搵都唔知原來芝麻糊都係清胎毒糖水，一般大家會係糖水舖或者買現成一包包即沖嚟食，不過今次我決定係屋企自己整，咁就又低糖又健康啦！
芝麻糊功效：防脫髮烏髮，高纖防便秘，助產
食用次數：33週開始一星期一次
食譜連結：自家製少甜糖水分享！零難度芝麻糊！
其他清胎毒糖水及食物：海帶綠豆沙，腐竹薏米雞蛋薏米糖水，現成椰子水，西瓜等等。
不過海帶綠豆沙同西瓜比較寒涼，所以我未必會食，反而有可能增加返溫和清胎毒糖水次數，大家可以按返自己身體而定啦！
懷孕中看到筋肉寶寶的成長，令我更期待二胎BB的加入！
二胎懷孕日記分享：
想睇晒我所有簡單食譜分享記得拉到最落！
每週小煮意食譜、二寶日常點滴、親子好去處、大家記得要follow呀！
喜歡玩IG的朋友記得Follow：kylife.babies
面書專頁：Kylife與二寶之日常
***自家製健康菜式食譜***
***滋潤糖水食譜***
***養生食譜分享***
***超方便！兩款材料搞掂一個菜***
蒸餸食譜：冬瓜煮肉碎、零難度！肉碎蒸滑水蛋、$18魚肉豆腐老少平安
香煎食譜：魚肉煎豆腐、香煎金黃色蕃薯餅、$18有口感馬蹄煎魚餅
香炒食譜：5分鐘搞掂！節瓜炒蛋、爽口簡單炒三絲、唔辣野味版螞蟻上樹
***閒時煮飯外的方便選擇***
