作者＼生活報橘
喺心入面築起一道牆，令我哋避免受到傷害，但同樣都阻隔左真愛。喺重視嘅人面前，大部分嘅人希望永遠呈現出完美嘅樣子，開心、自信、溫柔、風趣，認為展現出自己脆弱嘅一面，會令對方感到厭煩。
但係「脆弱」對我哋來講雖然係好負面嘅詞，但當你喺英文字典搜尋”Vulnerability”，得出嘅結果可能出人意料：capable of being wounded or hurt（可以受傷嘅能力）。
其實，喺所愛嘅人面前展現脆弱，反而會增強兩人關係嘅親密度。因為咁意味著你願意喺佢面前呈現真實嘅自己，包括你嘅恐懼、你嘅夢想、你嘅情緒。（如果嗰個人無辦法接受你真實嘅樣，可以儘早放生）
當你在所愛的人面前展現脆弱，對感情有三大幫助：
一、係令你更人性化，唔完美嘅你對對方來講反而更親近、更可愛；
二、係令你哋感情更親密，當你願意喺對方面前展現脆弱，意味著將全部嘅你交出去，佢會感到自己係值得俾你信任嘅，同埋係俾你需要嘅。
三、係當你嘅脆弱被一個人無條件而且唔帶批判咁接納，代表你可以咁對自己，唔好再因為自己嘅唔完美而過度批判自己。
雖然展現脆弱對感情有好大嘅幫助，但對於習慣自我保護嘅人，都仲係一件好困難嘅事，喺習慣壓抑自己真實感受嘅亞洲社會更係咁。不過美國兩性作家 Sylvia Smith 喺網站《Lifehack》分享幾個可實行嘅小步驟，教你學習點樣脆弱：
1. 分享一件困擾你嘅小事
先學行，再學跑，可以先分享一件困擾你嘅小事情開始，例如工作上和同事嘅唔開心。
2. 承認自己唔擅長展現脆弱
同自己嘅伴侶坦承自己比較難將所有心裡面嘅話講出黎，請佢俾多啲耐心你，並邀請佢同你一齊修習呢個艱難嘅成長課題。
3. 尋找問題的根源
表面嘅行為背後，通常有深層嘅情緒因素，試下覺察佢。思考一下點解自己咁難對人哋敞開心房，係唔係曾經喺親人、朋友或者過去嘅愛情關係入面受過類似嘅傷害？
推薦閱讀:別讓生活沖淡愛情，6招讓感情持續升溫
4. 練習自我接納
當你無辦法做到自我接納，你就好難相信會有一個人能完全接納你原本嘅樣，所以試著欣賞自己嘅優勢，並接受自己需要克服嘅劣勢，呢個唔係一朝一夕可以做到嘅，但當你願意開始，對於你嘅人生會有好大嘅幫助。
【生活報橘】授權轉載 原文出處【給總是堅強的你 美國兩性作家：展現「脆弱」讓你擁有長久且親密的愛情】
