作者＼媽媽經
我係喺戶政事務所負責結婚登記嘅人員，有一日上午，我啊啱啱黎到辦公室，就有個年過七十嘅老人家走入來，將一張寫好嘅離婚協議書擺喺我面前，拜託我立即幫佢辦理離婚手續。
我漫唔經心地攞起張離婚協議睇咗一眼就丟喺旁邊，「既要離婚就要夫妻雙方一齊黎啊！你一個人黎，我點敢俾你搞到離婚？」我告訴他，老人家話：「老伴黎唔到，所以先自己一個人黎。」老人家袋裡嘅手機響咗，接聽後就跑出門，連台上嘅離婚協議書都唔攞走，說著：「對唔住，我要趕去醫院，老伴病危啦！」
由離婚協議書上可以睇出，係一對再婚嘅夫妻。依家嘅老人們唔理子女嘅阻攔要結婚，結婚後又唔好好珍惜得來唔易嘅黃昏愛情、又要離婚。呢種事我見得多，但好似今日呢種情況就係第一次遇到。
第二日，我本來已經忘記呢件事，點知啱啱番工嗰個老人家又黎了。我唔耐煩咁講：「您都一把歲數了，仲搞咩離婚啊！早知道會係咁，當初何必要再婚呢？」老人家一愣神，耐心咁講：「我嘅老伴已經被醫生落咗病危通知，佢有個願望，想喺身後將自己嘅骨灰同佢嘅前夫名正言順合喺一起，因為嗰陣佢哋講過生死都唔分離，所以依家要兌現。所以…」
原來係咁啊！我個心又驚訝又有疑問：「咁你呢？你個心唔難受咩？」老人家苦笑一聲：「其實都冇咩野。人哋以前講過嘅話、發過嘅誓，就照咁做吧！佢已經俾咗我好多，我好滿足啦。依家佢說什麼我都答應，都算係我對佢嘅一啲心意。」我個心產生一種唔同尋常嘅感動，決定同佢一齊到醫院去處理。
入到病房，一眼就見到嗰位病入膏肓嘅老太太。老太太嘅手緊緊握住老人講：「你唔會因為我咁樣不近人情嘅要求而恨我吧？我知道咁樣做對你唔公平，但我嗰陣曾經答應過佢。」老人家趕緊安慰佢：「你咁做我理解。我哋講其他吧，你唔係話仲有好多話想講俾我聽咩？」
病人睇落連點頭搖頭嘅力氣都冇，閉咗一下眼又話：「冇啦，我就係唔放心你啊！你身體唔好，每天記得吃藥。特別係要記得將救心丸帶喺身邊。」老人家一聽，眼入面嘅眼淚更多，淚滴落喺老太太手背上，「你放心！我會好好照顧自己嘅！」然後攞出一把梳子，細心地梳理老太太稀疏嘅白髮。過咗一陣先回頭同我講：「真係太麻煩你啦，謝謝！」
簽名嘅時候，氣奄奄嘅老太太勉強撐起身體，但無論點努力都無辦法握穩筆。老人家話：「都係蓋手印吧！」佢握住佢嘅手，喺印泥裡沾了一下，再重重地印喺紙上…。老太太用力地將老人家嘅手握住，拉喺自己嘅胸前，大口喘息著講：「您真係個好人，我一啲都冇睇錯您！」我嘅眼眶都濕了，急忙轉過身去，呢個時候我先知道，愛原來仲有咁樣一種形式。
延伸閱讀：一張寫著我愛你的匯款單
