輕鬆生活駐站作家

【和牛B成長日記】第一次去睇牙醫,一站式服務,牙醫好細心好有耐性

作者\和牛B成長日記

我著重和牛B身體健康重要之外,其實牙齒健康都一樣好重要!所以,兩歲半前和牛B仲有飲夜奶,我哋都好緊張。因為含住奶瞓覺,係好容易會蛀牙。所以,當時我哋決心幫佢戒咗夜奶。不過,最近和牛B 上顎4隻門牙都開始有啲啡漬。我哋除咗擔心會引起蛀牙之外,有污漬笑起上嚟都唔好睇。

衛生署雖然有學童牙科保健,但係要等到小學一年級先可以去檢查同洗牙嘅話,就實在太耐啦!蛀牙,唔係一件舒服嘅事。萬一,咁細個就蛀牙,除咗會好痛苦之外,都會擔心影響日後換恆齒。

經朋友介紹下,我哋去咗荃灣千色匯上樓嘅家仁牙科中心。喺芸芸眾多荃灣牙醫當中,家仁牙科中心係一站式牙科中心,除咗基本全科服務外。呢到仲有細分到有兒童牙科,亦有專科洗牙,牙齒衛生員係專門負責洗牙,以及教導刷牙、護牙方法。第一次嚟,診所感覺都輕鬆舒服,姑娘亦好友善。

仲有圖書可以俾小朋友睇,電視仲播放同保護兒童牙齒有關嘅資訊。邊等睇牙醫,一邊吸收知識。

保護兒童牙齒有關嘅資訊

推薦閱讀乳牙蛀牙沒關係?小心輕忽造成孩子恆牙長歪!

圖書 / 書藉免費睇

等咗一陣,終於可以見牙醫啦~醫生姐姐知道和牛B係第一次睇牙醫,有少少緊張。所以,都已經準備小禮物俾和牛B。 第一次去牙醫診所睇牙,牙醫姐姐話和牛B牙齒生長得唔錯,亦無蛀牙。只係門牙有少少污漬,不過問題不大,洗牙就可以解決得到污漬問題。見完牙醫,我哋知道無蛀牙都安心晒~

乖乖張開口俾牙醫姐姐檢查牙齒 至於中心入面嘅環境,正當我等緊姑娘叫名期間,睇下佢哋小冊子簡介先知,原來中心共有7間診症室,都幾意想不到。 因為以前睇過嘅牙醫,有咁多間診症室都真係比較少,而每間診症室嘅用途都唔同。分咗專門做導牙根嘅牙醫診症室,亦有專門嘅口腔頜面外科診症,日後想要箍牙呢到都可以一站式進行。就唔需要分開洗牙、拔牙都搵唔同牙醫診所做啦。我本身好怕睇牙醫,好驚瞓上櫈嘅感覺。診症室令我覺得冷冰冰,好似入左手術室咁。

推薦閱讀兒童齙牙別擔心!醫師告訴你齙牙原因與矯正時機

不過,呢到到感覺整體都舒服,牙醫同埋姑娘都係友善、唔惡,亦唔會好嚴肅嚇怕你嘅感覺。我哋去過覺得好,所以都想同大家分享。 當日我哋係星期六去睇牙,我哋已經預約咗朝早,不過都幾多人。如果有興趣去睇牙,建議都係約星期一至五。另外最好預早少少去到,因為下面3樓電梯大堂條隊都幾長同埋有少少亂,記得唔好排錯隊呀。

 

荃灣。家仁牙科中心】地址:荃灣眾安街68號荃灣千色匯I期20樓2010室預約/查詢電話:3956 9387 / 2561 0218

和牛B成長日記】授權轉載

Tags

和牛b媽媽

在職媽媽,分享我的育兒心得、幼兒食譜、假日好去處。喜歡假日帶著和牛b四處遊玩,讀萬本書不如行萬里路。

發佈留言

發佈留言必須填寫的電子郵件地址不會公開。 必填欄位標示為 *

Back to top button
Close