育兒成長駐站作家

【放電公園】MOKO新世紀廣場 x MOKO動樂園!x 18000呎 | 重開!

MOKO新世紀廣場 x MOKO動樂園!

MOKO新世紀廣場嘅公園閉園一段長時間,「MOKO 動樂園!」終於會喺今年2021年11月19日正式重新開幕啦!!
 
 
樂園佔地近18,000呎,樂園入面仲有近50米全港最長嘅攀爬牆、8米高嘅大型遊樂設施,仲有由山丘及山洞組成的探索隧道,以及高達3.8米嘅滑梯,而喺開幕期間仲會有一系列嘅嘉年華派對活動,相信一定非常熱鬧呀!!!
 
 
今個聖誕假期,又多一個放電嘅好去處啦!!
 
 
玩樂專區:「雀仔滑梯大冒險」及「動感攀爬天地」
3.8米高巨型雀仔滑梯,真係超刺激呀!!
 
 
再加上縱橫交錯嘅6組滑梯,配以「雀仔滑梯大冒險」嘅主題,真係刺激又有趣呀!
 
 
50米攀爬牆「動感攀爬天地」係全港最長嘅,啱晒好動又鍾意玩攀爬嘅小朋友!!
 
 
樂園嘅主題係取材自旺角著名嘅「雀仔街」及「花墟」,所以牆上都以特色花卉設計,包括罌粟花、豌豆花、鬱金香和牡丹花等,而公園設施亦當然唔少得雀鳥們啦。
 
 
探索專區:「童遊雀仔屋」及「親子互動小山丘」
除咗以上玩樂專區之外,仲有探索專區小朋友都可以見到鸚鵡仔嘅蹤影!「童遊雀仔屋」係Matthew和Kay嘅小屋,小朋友可以進入屋企玩以及影相打卡。
 
 
 
「親子互動小山丘」就有唔同嘅山丘、山洞探索隧道,啱晒鍾意捐窿捐罅嘅小朋友玩~
山丘採用循環再用嘅安全地墊製成,既安全又環保。
 
 
 
 
 
 
教育專區: 「活力充電區」及「自然生態區」
場內設「自然生態區」,地上以生動插畫描述鸚鵡繁殖及成長嘅過程,同時亦配有文字描述幾種鸚鵡種類及成長過程,讓小朋友更容易學懂生態和環保知識。 
 
 
 
 
同時園內嘅「活力充電區」,安裝咗多架充電健身動感單車,設施附帶電子充電座,訪客只需自備充電線就可以可邊運動一邊免費充電。
 
休憩及打卡專區:「奇趣打咭牆」及「休閒空間」
場內當然唔少得休憩空間啦,亦有一個必影嘅「奇趣打咭牆」。
 
 
【「MOKO 動樂園!」 | 開幕嘉年華 開幕嘉年華】
日期︰11月19至21日、27及28日、12月24至26日 
時間︰下午2時至5時 
地點︰MOKO L4樓層 [email protected]
 
【「MOKO 動樂園!」】
開放日期:2021年11月19日正式開放 
開放時間:上午10時至晚上7時
地點:MOKO L3樓層露天兒童遊樂場

============================

記得Follow埋我哋Facebook、MeWe同Instagram呀

https://www.facebook.com/80smami
https://mewe.com/p/和牛b的成長日記
http://www.instagram.com/wagyubmami/

============================

我的網店C.Mozo Store
https://cmozostore.mallogram.com/zh-hk/

Tags

和牛b媽媽

在職媽媽,分享我的育兒心得、幼兒食譜、假日好去處。喜歡假日帶著和牛b四處遊玩,讀萬本書不如行萬里路。

發佈留言

發佈留言必須填寫的電子郵件地址不會公開。 必填欄位標示為 *

Back to top button
Close