八卦
「安心偷食」黃心穎與巴塞隆拿大賽無緣,高海寧頂上孖李佳芯嘆世界!

「安心偷食」慢慢告一段落,當事人都為了此風波被逼退隱娛樂圈。但一切並非這樣徹底了結,因臨時停止手上所有工作,留下的爛攤子也讓很多人受牽連,不過也有人因此冷手執個熱煎堆。就如今次出trip巴塞隆拿參加活動,原本是黃心穎帶埋家姐一起去,現在換了高海寧同李佳芯去嘆世界,白白錯失了呢個筍job。
高海寧孖李佳芯頂替黃心穎去巴塞隆拿 朝拜Messi
日前高海寧、許廷鏗和林師傑到巴塞隆拿,出席某保險公司在當地舉行的活動,李佳芯都跟埋去玩一轉。而黃心穎預先向客戶提出幫她們購票去睇巴塞隆拿大戰利物浦的歐聯四強首回合賽事,現在卻給了高海寧同李佳芯獲益更多,出trip工作之外仲順便現場直擊球王美斯入波。
高海寧在IG上大晒靚相及影片,頸上仲圍住巴塞頸巾為球隊打氣,high到爆:「邊個睇緊波?#巴塞vs利物浦#barcelona#現場睇波係正嘅」、「朝拜Messssiii…#別人拜神巴塞人拜Messi#拜埋一份#歐聯semifinal#美斯神#barcelona#現場睇波真係好正」
現場睇到美斯靚罰球羨慕死人
高海寧及李佳芯興奮到錄影朝拜 Messi嘅狂歡時刻。她們也不枉此行,球王美斯開二度,巴塞以3比0擊敗利物浦,網民都羨慕留言:「能夠喺現場睇到美斯靚罰球真係一生福份」。
高Ling這次工作娛樂可以相關旗下,也託賴「安心偷食」事件不少。高Ling也表示:「讓旅程難忘的不是目的地,而是陪伴你的人」。這趟出trip真係滿載而歸囉!