自2010年《巾幗梟雄之義海豪情》後，《鐵探》係惠英紅重回TVB演出嘅首部劇集。紅姐過去星光熠熠嘅成就：三屆香港電影金像獎及一屆金馬獎的雙料華語影后，亦是首位香港金像獎影后，所以《鐵探》嘅收視成績係大家都可以預測得到。不過Madam Man 喺《鐵探》未播出前開記者會時，曾承諾收視有33點，就在鬧市笠絲襪扮安全套影相。《鐵探》早前播出大結局，收視剛剛好達33點。
昨天（5月21日）下午惠英紅在個人facebook開直播找數，身處港鐵站外的她說：「我萬晞華到咗一個地鐵站，依家就嚟找數，其實我萬晞華講嘢一定要算數嘅，如果唔係我點樣管治西九總區呢？除咗我找數外，我記得當日記者會，姜皓文都有話過佢找數嘅，黑仔我正式Call你喇，睇你喇，我依家就入去找數喇﹗」
紅姐真係二話不說，將藍色絲襪笠上頭，並行到站內麵包店買麵包，之後還在站行了一圈，笑說：「最緊要開心，如我將自己開心SHARE出去幾好吖，我找咗數喇！記得我之外，當日姜皓文都講過笠絲襪，交個波畀你喇。」
姜皓文為紅姐承諾笠絲襪遊街
身為Madam Man 嘅最fit UC，黑仔Bingo馬上回應「紅姐！收到！Bingo今天內找數！」更預告當晚會於沙田新城市廣場現身找數，唔少fans興奮到表示收工後要趕到商場等黑仔！。
最後黑仔終於到達終點，黑仔亦相當親民，感激在場粉絲，認為全靠他們《鐵探》才有33點的佳績，當被問到會否感到尷尬時，黑仔大方回答：「男人大丈夫，講得出一定找數，只要大家開心，同埋作品有好成績，就無話難唔難為情嘅！」Bingo認證夠義氣！
