愛情在我地一生中扮演著重要角色，我地經常會被愛情影響心情，由細到大我地可能拍過幾次拖，在這些親密關係入面，學習同另一人相識、相知、相愛、相惜，以下六點經營戀愛關係嘅小秘訣，有些可能係老生常談，但係要真正做得到，唔單止自己要認真實踐，伴侶亦要一起努力經營，希望我地都可以和親密嘅另一半，一齊完成這些愛情中最重要嘅幸福練習。
第一式：學習給予彼此空間
好多女仔拍拖之後，容易陷入一種希望對方跟自己活在甜蜜二人世界之中，斷六親嘅關係。但係，愛情中好重要嘅一個觀念係「我愛你唔代表我要綁住你，大家都有自己嘅私人空間」，讓兩個人各自擴展自己嘅生活圈子，二人相處嘅時候反而有更多話題。有愛人與談戀愛，並唔代表無左對方自己就唔知一個人點生活，而係兩個人有左對方之後，生活都變得更加美好同精彩。
第二式：學習支持對方夢想
女仔在愛情中好容易犯嘅錯誤，就係希望對方可以按照自己嘅想法來過日子，但係每個人心中都會有些陳年夢想，你心愛嘅另一半都可能有。當我地互相分享夢想嘅時候，係愛情中一種信任對方嘅表現，希望自己嘅夢想能得到最愛嘅人支持同鼓勵。例如好多男人會話「BB，其實我心中最大嘅夢想係…我想在40時一個人踩單車環島旅行」。在良好嘅親密關係當中，兩個人應該要彼此鼓勵，保有自己嘅興趣和夢想，盡情活出自己嘅人生，讓兩個人嘅生活都變得豐富又多姿多彩。未來相處幾十年嘅歲月，先唔會感到一成不變或無聊無趣味，係唔係？
第三式：明白兩個相愛嘅人在一起，唔需要爭輸贏
在愛情中好多人鬧交嘅時候，都想要贏，因為當兩個人睇法唔同嘅時候，放唔低自己嘅面子，覺得先妥協就輸啦，特別容易堅持一些所謂嘅「原則」。兩個人嗌交各唔相讓嘅結果，就係令二人關係受損。其實兩個相愛嘅人之間，邊個贏邊個輸有咩所謂？如果真心認同另一邊嘅想法，就真誠表示鼓勵同肯定，大方接受對方嘅良心建議，或係採用兩個人一齊諗嘅辦法，咁樣做比嗌到你死我活有建設性得多，兩個人仲可以一齊成長呢。
第四式：就算你唔係超級英雄，我依然愛你
因為我地都係人，難免會有缺點，有些事情連自己都做唔到，點可能去要求對方做到呢？所以有一日當我地成為彼此嘅親密伴侶，在對方面前展露自己嘅缺點，唔需要覺得羞恥或害羞，因為真正成熟穩定嘅愛情係「我愛你，連你嘅缺點我都愛」，兩個人彼此了解對方嘅缺點，反而可以在對方唔熟悉或唔擅長嘅地方幫上忙，讓兩個人能一起變得更好。
第五式：學會一起經營兩個人嘅未來
我地每個人都會有一些過去和包袱，你以前可能有一些愛情經歷，對方當然也會有。我地唔可以回到過去，有些事情係無法改變，但我地唔應該俾自己一直糾結在以前，咁樣點會擁有美好未來呢？那些過去嘅我們已經來不及參與，但兩個人嘅未來可以一齊好好努力把握，相信我地嘅未來一定會比過去嘅回憶更精彩。
第六式：學會把心中嘅期待講出口
有時我地會希望另一半可以給自己一些小驚喜，好似韓劇女主角咁樣，享受萬千寵愛集一身嘅感覺，所以，如果你有這些期望，就鼓起勇氣大聲講出來吧。用良好嘅溝通方式，俾另一半明白我地內心嘅渴望和期待，想點樣被愛點樣被對待，這其實可以幫到佢，找到你期待又滿意嘅方法好好愛妳，比起將心事藏在心底痴痴地等更實際，不如大大聲話佢知你想點仲好啦！
【滔客線上雜誌 女人幫】授權轉載
