我以為同呢個人行左十年，我地之間都算感情深厚，當初就係覺得佢老老實實，沉默可靠，睇左好耐好耐，先結束愛情長跑同佢步入教堂。
我同老公拍左八年拖，結婚兩年，小寶寶都三個月大了，日子過得簡單又充實，兩個月前佢識左個女仔，係個個性很好嘅女仔，講野嘅時候細細聲好溫柔，有鄰家女孩嘅氣質。
佢同我講：「我愛上左果個女人。」
我聽到之後，簡直晴天霹靂，無辦法相信「外遇」這件事，竟然會發生在我身上，我同老公都係比較隨和嘅人，屬於平平淡淡過日子那種。
「佢嘅善解人意能夠激發我內心嘅靈魂！」佢話呢個女仔性格單純，剛好可以同佢互補，等佢可以搵返戀愛嘅感覺，因為我地一齊太耐，對我只剩低家人嘅感覺，佢知道佢傷害左我。
我見過果個女子，下巴尖尖，眼睛大大，同人講野嘅時候垂低眼，排又濃又長嘅睫毛眨眨下，怕怕醜醜咁，男人見到都想保護佢。
「記得準時食飯、早點睡、聽日一齊去公園踩單車好唔好？！」
佢唔知我老公結左婚，我望住電話入面嘅短訊內容，句句都好甜蜜、好溫馨，就好似我地十年前剛剛拍拖果陣咁…
睇下，睇下，我喊出來了…
「佢好單純，好簡單嘅小事就令佢開心，買個雪糕俾佢食，就好似小朋友咁雀躍，同佢響一齊，我唔會有壓力。」
聽住老公講佢地有甜蜜，每一句都令我心頭滴血，而我，為左照顧小朋友，邊度都無得去，唔可以好似以前咁去踩單車、行夜市、去海邊散步；就算要出門，大包細包都係細路嘅立雜野。
而我，同所有黃臉婆一樣，買野會格價、精打細算、講價團購，買菜會叫老闆搭棵蔥。老公求我，話佢離唔開佢。離唔開佢，但離得開我，呢句話有幾傷人心。佢同我坦白講已經愛佢愛到不能自拔嘅地步，希望我可以成全佢地，佢一直講個女仔對佢幾好、幾體貼。佢話佢對我唔住，亦唔想耽誤我，如果我願意成全佢地，佢咩條件都可以應承。
我望住眼前呢個識左十年嘅男人，覺得佢就好似一個扭計要食糖嘅細路，我平靜咁同佢講：「如果你想咁樣，咁…我成全你…祝你同佢幸福…」
同時我都要話你知：「身為女人，結左婚之後，角色就唔會再單純，當女仔成為女人果一刻，根本就無可以沐浴在婚姻裡享福，無左爸爸媽媽嘅保護，開始肩負一個家庭嘅責任，有小朋友、有老爺奶奶要照顧，無可能好似以前做女咁一樣單純，莫講話成副心機都擺晒響老公身上。」
「拍拖時你寫俾我嘅信，每次睇戲張飛尾，送俾我嘅禮物嘅包裝紙盒，我全部都有留低放在衣櫃底…」
「十年了…我地之間走過愛情，走過激情，走進婚姻，走進平淡，平淡先可以長久，細水先會長流。」
「你話對我嘅感情就只剩下對家人嘅親性責任，但係，一段簡單嘅感情可能平平淡淡、無色無味，好似杯白開水咁，無咩味道，但好解渴，亦係生存嘅必須品。」
「因為深愛你，你做任何事我都會尊重你，所以，依家我決定，請你好好愛佢，你可以應承嗎？」
你無出聲，最後，你堅持唔離婚，你求我留低…因為到呢一刻你先懂得愛是一種責任、情是一份包容，你先發現原來我嘅默默守候，付出左幾多責任和包容。
好多人成日忘記最重要嘅一點，維繫婚姻嘅基礎係「愛」。請記得互愛互助、互相照顧、互相關心先可以白頭到老。好好望下你身邊個「黃臉婆」，佢每日為你付出左咩、做左咩？把握生活中每個簡單嘅細節，重視婚姻裡每一次平凡嘅感動，做個身在福中而知福嘅人啦。
