女人秘密

生產那一剪,老公一句話痛苦一生

我都唔明依家嘅後生仔諗咩?一個20出頭嘅年輕女性,剛剛先生完第二胎(自然生產)幾個月,就趕住去做會陰整型手術,做完手術覺得太痛要來睇門診。

我生平第一次遇到咁急嘅女性,個仔都未戒奶,就諗住要滿足老公嘅需求,同時都唔明,生嘅時候明明都會做會陰修補,果時叫醫生縫靚少少咪得囉?仲有咩唔滿意呢?

其實會陰修補係一門學問,我自己在做總醫生嘅時候,有機會被外派去台北三軍總醫院婦產科進修一年,前半年在產科,原本以為自己已經在聖母醫院親自接生左好幾百個,一切產科操作,尤其會陰縫合更係駕輕就熟,估唔到主診醫生第一句就叫我返去溫書,重頭學習女性會陰嘅構造,我都唔知自己有咩問題。

第二日返工,佢竟然問我會陰嘅肌肉層分佈、名稱和功能,真係問起我,都唔知點答,心諗會陰縫合唔係簡簡單單剪開再縫返埋咩?以前我都係咁樣做,病人都無投訴過,裡面竟然仲有玄機?主診醫生只係叫我返屋企再認真睇清楚,一個禮拜後返黎報到。

報到嘅時間到,佢再無叫我講出肌肉層名稱,只係問我:你會點區分會陰切開之後嘅肌肉和周邊組織?我當堂打個突,肌門環狀括約肌我分得出,因為曾經有縫過斷裂括約肌嘅經驗,至於其他肌肉,當我依依哦哦嘅時候,主診醫生忽然企起身同我講,我等陣會接生,你入黎產房,我指俾你睇。

接完生,護士抱左BB出產房之後,佢指住會陰傷口話,肌肉嘅特徵係外形望起來黑黑嘅,因為係彈性構造,所以切斷之後會向組織兩邊內縮收埋,我地通常會見唔到,所以要認清楚,將佢地拉返黎縫埋一齊,因為會陰有五條肌肉層,分別包裹陰道出口,支撐底層會陰部分,所以要一條一條縫好,肌肉層係等於高樓大廈嘅鋼筋骨架,如果無左佢陰道就會鬆垮垮。

唔單止性關係,先生會嫌三嫌四,一句話妳點解咁鬆,就足以令妳梗梗於懷,痛苦一生,有時仲會出現膀胱直腸脫出或子宮下垂,最嚴重更會令骨盆底部塌垮。到呢個時候,我先恍然大悟,會陰縫合原來真係一大學問!我以前所做嘅睇返都很顯淺唔完美,自然生產後,部分女性下體會出現後遺症,原來係因為會陰縫合這一步做得唔好嘅緣故。

難怪幾世紀以來,即係無會陰縫合嘅時代,會咁多女性有產後後遺症,甚到為數不少因此而引發嘅婚姻問題。在三總醫院進修之後,經過15年左右,我繼續用空檔時間在國內外教學醫院研習,不過私底下好驚訝嘅系,已經再無人好似我追隨果位主診醫生咁講究了。自此之後,我曾企圖將呢個理念傳俾實習醫生,不過後來知道佢地都無做婦產科啦。

已生產嘅女性亦唔需要太擔心,亡羊補牢嘅做法係不論妳坐緊月或坐完,不論妳已生過幾多胎,只要每日一有時間,就隨時隨地做肌門收縮運動,即是用力收緊肌門50秒,然後放鬆10秒,同樣動作連續做10次,趁年輕嘅時候,會陰組織仲有彈力,可以回復一些,男生先唔會發覺,至於產後即刻去做修補手術就唔好啦。

因為呢個係錯誤嘅選擇,產後會陰處於鬆弛狀態,如果整型,大小係拿捏唔準嘅。真係有咁既需要,應該都係好幾年之後。如果要整容,記得搵婦產科醫生,因為其他科嘅醫生應該唔會比婦產科醫生更清楚女性會陰肌肉層嘅分佈,會有做同唔做無分別嘅憂慮。

會陰修補有兩種縫法,一種係一針一線,以前要等七日後拆線,依家已經唔使,由得佢自己掉落,唔會擔心裂開。另一種係皮下連續針法,唔使拆線。呢兩種邊個好?當然係連續法比較好,因為一開始就好似YKK隱形拉鍊咁,外形好睇無疤痕。皮膚嘅傷口密合係連貫成串嘅,咁樣可以幫忙皮膚一起步就無咁吃力,當然傷口日後都會靚返,但如果用一針一線就吃力得多。

產後嘅照顧問題,我都係覺得古代法比較好,即係用烤燈照傷口,可以令傷口增加血液循環加速癒合,亦可以消腫止痛,再配合坐浴就更完美啦。不過年輕一代嘅醫生都唔記得這些方法,我覺得產婦有少少可憐。不過返屋企可以問下長輩經驗,只要妳肯開口問,唔好睇唔起老人家嘅古老經驗。

有人提倡唔剪開會陰來生產,叫柔性生產,我認為萬萬不可。因為胎兒嘅頭會慢慢撐開會陰,根本係虐待胎兒,而陰道口本來就細,唔剪開嘅話生產時一定會裂到一塌糊塗,到時你就大鑊。

 

林正權醫師】授權轉載

Tags

MamaClub

媽媽最關心嘅食、衣、住、行、育、樂嘅大小資訊,無論妳喺邊個階段嘅媽媽、媳婦或者婆婆都可以喺度揾到妳需要嘅精彩內容。歡迎加入MamaClub我哋一齊分享「湊仔經」。
Back to top button
Close