孕前產後

媽咪放哺乳照片就係唔要面?有色眼鏡決定你見到嘅係親情定係不雅!

作者\媽媽經編輯 Julie

身為母親都會遇到唔少尷尬場面,例如喺公共場所餵哺母乳、上載餵母乳相片等行為都受到兩種回應。有人覺得呢D畫面好溫馨,但都有人覺得簡直係不知廉恥,發佈哺乳照嘅媽咪被網民抨擊一直都引起爭議浪潮。到底誰對誰錯呢?

Coffee在Instagram上載餵母乳相片受到攻擊

先前,趁着BB滿月大日子,Coffee喺Instagram上載左一張餵母乳嘅相片,非常溫馨。但冇想到,照片上載後引來大量嘅批評,網民之間開罵戰,內容都係難聽到不堪入耳:「個胸都show晒出嚟差冇露點」,認為佢哺乳不用影相貼出來,又指佢刻意展現女性部位,「不需要將這私密公諸同好吧」,認為佢係「博出位」。

Coffee在其Instagram上載餵母乳相片受到攻擊

推薦閱讀:哺乳讓乳頭變好長,影響閨房情趣怎麼辦?

支持Coffee嘅媽咪忍唔住留言力撐Coffee,認為不應用有色眼鏡來看哺乳,重申外國都有唔少名人歌手上載餵母乳照,不忿「媽媽喂母乳都要畀人講到咁色情」,認為照片充滿母愛。

對於批評言論,Coffee當時也大方表示自己生完BB後思想有所改變,以前望到胸部會聯想到性感或色情,到生完後就覺得「女人天生有胸就係用嚟供應食物畀BB」,又認為上載照片冇問題,「我只係見到親情同愛」。

餵母乳照是不雅還是母愛嘅象征

其實唔單只喺東方國家會有呢種歧視哺乳媽媽嘅目光,一向有開放思維嘅西方國家都會發生同樣嘅狀況。一名美國媽媽,因為喺飯桌上給餓了嘅孩子餵奶,而遭到父母嘅指責。

餵母乳照是不雅還是母愛的的象征

因此,該女子就喺網上分享左大量嘅餵孩子食奶嘅照片,以此來回擊父母。這位媽媽都分享左佢喺自己生活嘅不同環境下進行過哺乳,而且都會把呢D畫面記錄下來。

餵母乳照是不雅還是母愛的的象征 1

喺澳洲,有個21歲嘅年輕媽媽Ancliffe,喺姐姐嘅婚禮上,佢大方咁餵奶畀孩子。照片中嘅佢一邊喝飲料,一邊餵11個月大嘅BB母乳。佢將呢張照片發到網上,冇惗到引起大家嘅巨大反響,指責佢不知羞恥嘅占大多數。

餵母乳照是不雅還是母愛的的象征 3

推薦閱讀:6成媽媽都有的困擾,哺乳乳房萎縮下垂怎麼辦?按摩方法告訴你!

不過Ancliffe卻大方咁話佢咁做就係為左引起大家嘅重視,點解有左孩子之後就唔可以自在咁食嘢,就唔可以享受生活。佢嘅一席話讓無數人啪啪啪打臉。

反觀國內,大多數媽媽仲係唔習慣當眾餵乳,及時孩子餓到哇哇叫時,都係等待冇人嘅時候悄悄餵奶。其實呢個問題宜家好易解決。

解決辦法一:出門帶一把遮或者哺乳巾,BB餓嘅時候當眾蓋起來,避免尷尬。

解決辦法二:穿餵奶衣。

歸根到底,餵奶係一種自然嘅行為,同場地無關,我哋不必因為當眾餵奶而覺得羞恥,但如果隱蔽嘅做法能讓你更舒服,則可以嘗試。上載哺乳照同樣都唔係不知廉恥嘅行為,只有思想歪曲才讓充滿母愛嘅畫面被污穢。請大家唔好再繼續歧視哺乳媽媽喇,媽媽係最偉大嘅職業黎嘎!

Tags

MamaClub

媽媽最關心嘅食、衣、住、行、育、樂嘅大小資訊,無論妳喺邊個階段嘅媽媽、媳婦或者婆婆都可以喺度揾到妳需要嘅精彩內容。歡迎加入MamaClub我哋一齊分享「湊仔經」。

發佈留言

發佈留言必須填寫的電子郵件地址不會公開。 必填欄位標示為 *

Back to top button
Close