育兒成長

想孩子變高 睡姿要先調整好

我哋都知有足夠嘅睡眠係孩子長高嘅關鍵。因生長激素會喺孩子深睡時分泌得特別旺盛,而生長激素就係激進孩子長高嘅重要因素。但係好多人都冇注意到睡姿,睡姿係間接影響孩子長高嘅因素。如果孩子瞓覺感到脊椎不適,經常喺夜夢中驚醒,可能會影響睡眠質素,變相影響生長激素分泌受到阻礙。

仰睡、側睡和俯睡 到底邊個睡姿最好?

註冊脊骨神經科醫生何梖榮分析三大常見睡姿對脊椎嘅影響。根據何醫生,最常見嘅睡姿有3種,分別係:仰睡、側睡和俯睡。

俯睡

側睡

 

俯睡係3種睡姿當中孩子最要避免嘅!因為當我哋趴喺床上,頸部要長期扭向左右其中一邊,容易受傷。腰部亦受到壓力,長期俯睡可能會出現腰痛嘅情況,所以大家要盡量避免。

側睡

側睡

喜歡側睡嘅孩子就要注意雙腳啦!標準維持腰部嘅自然弧度又減少對脊椎嘅傷害就係側睡時,雙腳一同微微彎曲。如果一隻腳伸直,另一隻腳曲起,就會將腰部扭著;而似「蝦」般屈曲身體,都會影響腰部活動和脊椎伸展。

如果孩子喜歡攬小抱枕小玩偶,係冇問題,但如果係大抱枕,孩子用雙腳夾著,就會影響睡姿。

仰睡

何醫生建議孩子以仰睡姿勢進入睡眠,原因係呢個姿勢會讓孩子嘅脊椎自然地伸展拉直。

仰睡

一般來講,孩子到咗2歲左右,家長都可以輕易咁留意孩子嘅睡姿及睡眠習慣。何醫生提醒,如果見孩子俯睡一定要幫佢改咗呢個習慣;如果孩子喜歡側睡,就要留意枕頭。枕頭要調整為高一點,讓肩膀有空間唔會受壓,仲要教導孩子將腳微微屈曲;如果孩子喜歡仰睡,枕頭就唔好太高,有啲少弧度承托到頭部就可。
另外,醫生指出好多孩子本身日常都有姿勢問題,例如寒背、翹腳等等,呢啲問題會影響佢哋嘅高度,家長要多加留意。

Tags

發佈留言

發佈留言必須填寫的電子郵件地址不會公開。 必填欄位標示為 *

Back to top button
Close