作者＼小鐵星座
雖然話呢個世界嘅確無話邊個無左邊個就會唔得，但就係有一啲男人結左婚之後，一離開老婆就好似冇左隻手一樣，咁邊啲星座嘅男人係冇左老婆之後就生存唔到嘅呢？（請參考太陽和上升星座）
NO.1摩羯座
摩羯座男人喺婚後會好尊重另一半，佢覺得婚姻係兩個人嘅生活，所以少左邊個都會好唔方便，再加上摩羯男天生比較懶惰，一但結左婚平日生活習慣會依賴另一半照顧，如果老婆突然不喺到，就會冇人幫佢打理一些生活上嘅細節，摩羯老公就會再度變成婚前嗰個不修邊幅嘅邋遢男。
NO.2巨蟹座
巨蟹男天生就超級愛家，所以婚後嘅佢咃好鍾意同老婆痴喺一齊，例如睇電視一定要同老婆一齊睇，不過遙控器要喺自己手上…等等，所以當老婆唔喺到個陣，巨蟹男會覺得屋企就不似屋企，自己一個吃著杯麵個陣會將自己諗得好慘，認為自己簡直就好似個冇人理可憐嘅單身漢。
NO.3牡羊座
牡羊男非常大男人主義，佢可以專心喺出面衝鋒陷陣，番到屋企有老婆準備好乾淨嘅床可以訓同埋乾淨嘅衣服可以穿，會令佢感到好幸福，但係老婆一但唔喺就會對牡羊老公造成好大嘅困擾，因為平時屋企都由老婆一手包辦，呢個時侯獨自一個喺屋企嘅牡羊男簡直就係一籌莫展唔知點算好。
推薦閱讀：血型與夫妻關係，你們是哪一種？
NO.4天蠍座
天蠍男鍾意教人做野，當佢結婚後老婆就變成佢嘅頭號學生兼小兵，加上天蠍男平日唔太鍾意喺外面交際應酬，冇咩朋友，所以佢最大嘅休閑活動就係教完小孩教老婆……所以老婆一唔喺列到就冇人理佢，天蠍男就會覺得好失落，對好多野就會開始意興闌珊。
NO.5獅子座
獅子男本身個性好獨立，但係當佢進入婚姻之後就會漸漸習慣有另一半嘅生活，老婆喺屋企個陣隨叫傳隨到嘅時候佢並唔見得特別珍惜，但係當另一半唔喺到個陣，獅子老公就會覺得生活好似冇左重心，甚至會有一種落寞感，開始變成一頭垂頭喪氣嘅公獅子。
【小鐵星座】授權轉載
