經血中出現血塊常常會令好多女性產生恐慌，唔理係出現在馬桶、衛生巾上的小小血塊，總會令不分年齡的女性情緒崩潰，以前係，現在都係，外國都係，台灣都係。我每次遇到呢件事，心裡總是覺得奇怪，經血中有血塊，明明係稀疏平常的事，有咩值得大驚小怪呢？
其實經血中有血塊係一件好事，表示你無血友病，你的血液好健康，除非你正在食抗凝血藥，否則離開左動脈和靜脈的健康血液(包括經血)都會凝結。只係因為子宮腔的特殊構造，令經血不得不同時以凝固和不凝固兩種形態存在。
子宮腔係倒三角形設計，下面有2.5厘米的子宮頸幫忙支撐子宮體積，因為係用來支撐，所以子宮頸的管徑要好狹窄不佔空間。
月經來的時候，子宮腔內係千萬條的斷裂內膜血管血液一齊灌注，以子宮腔小小的體積來講，血量係好似洩洪一樣超大的。但係狹窄的子宮頸管根本無辦法一下子就排完，以正常人的血液來講，離開血管後無幾耐就會凝固，但子宮腔內仲有好多經血未排乾淨，如果血液凝固左，咁點排出體外呢？
所以子宮腔一開始會同時分泌一些抗凝血酶原，同經血混合左，經血先唔會凝固，先可以順利經子宮頸管排出體外。但抗凝血酶原的量畢竟有限，如果用晒，後來的經血就會凝固，所以經血結塊就係呢個原理
因為無凝結的經血好容易好快排出體外，所以睇起來鮮紅色好靚，等好多女性誤以為經血就係咁樣。但係後期排的經血，包括凝固左既，會因氧化變成暗紅色，這也是必然的，所以大家唔好以為自己身體有咩問題，咁係健康的。(我跟病人和學生講解時，常用三色雪糕來形容)
【林正權醫師】授權轉載
