發脾氣係人之常情，小孩子也不例外。尤其係兩歲到四歲的孩子，發脾氣係很普遍的現象，就算係最溫順的孩子有時也會發脾氣。但如果孩子經常發脾氣，會不利於培養良好穩定的情緒，也不利於健康性格的形成。
孩子點解鍾意發脾氣呢？
當孩子到左兩周歲，假如佢遇到唔開心的事，佢會採取「暴力」行為 – 揮起小拳頭打人；有時則會係咁向地上扔玩具，父母一執起仲未轉身佢又再扔過…
這些舉動表明孩子已經有意識咁捍衛自己，正在建立以自己為中心的世界，孩子們開始有獨立諗法，想按照自己意志行事，這正係孩子成長的信號，只係有的孩子表現得明顯，有的表現得含蓄。
最新的研究發現，飲食中含鈣量過少、含糖量過多、維他命B群缺乏、維他命C缺乏都會造成孩子情緒亢奮和不穩定。孩子一、兩歲的時候，身體在發生變化，所以飲食結構也要隨之調整。如果飲食中營養素含量跟不上孩子的成長腳步，都可能造成孩子愛發脾氣。
有的孩子鍾意打人、扔東西，可能唔係內心好強悍，或者想要炫耀自己的武力，佢只係好迫切想要同其他人交流，無奈表達能力有限，就只能通過扭計的行為來吸引其他人注意力。
隨住孩子生理和心理的不斷發育，佢地開始接觸更多事物，但佢地對這些事物的認識還存在盲點，凡事都只係睇自己心情參與，所以當孩子受挫時就會很自然通過發脾氣來表達自己的情緒。
瞭解左孩子鍾意發脾氣的原因，父母們就需要好好學習下面幾個應對絕招，一齊來看看吧！
一、提供「發洩玩具」俾孩子抒發不良情緒
當孩子扭計發脾氣時，俾佢一個毛公仔或者吹氣公仔作「發洩玩具」，佢可以盡情打這些玩具來發洩自己的不滿。如果沒有適合的「發洩玩具」，亦可以俾個枕頭佢，等佢打枕頭發洩自己的不良情緒。在孩子發洩的過程中，佢將所在注意力都集中在「發洩玩具」上，仲消耗左一定的體力，咁樣佢唔單止會唔記得左發嬲這件事，也沒精力去扭計了。
二、唔好同孩子鬧交
當孩子發脾氣時，無耐心的父母會覺得好煩，會同孩子鬧交，想用這種方法令孩子聽話。其實這是一種唔成熟的表現，父母用這種方法對孩子，唔單止唔會令佢地停止發脾氣，仲會適得其反，令孩子覺得父母唔理解佢地，從而令佢地反叛心理加強 — 發更大的脾氣。
所以，每當遇到這種情況，父母要比平時更有耐性，盡量唔好同孩子鬥大聲，搞清楚佢發脾氣的原因，再慢慢同佢講道理。
三、冷淡對待孩子發脾氣
孩子發脾氣並唔係一件天大的事，佢想用呢種方法引起父母的注意，父母應該理解，但唔好放大件事，應該冷淡對待，可以唔好理佢，等孩子在一個安全的環境由得佢發揮，久而久之，孩子就明白父母並唔吃佢這一套，佢亦無癮會自己收歛。
但記得要掌握好「冷處理」的時間，最好在冷淡過後，俾孩子一個下台階，或者等孩子情緒平伏返再同佢講道理。
四、唔好因為孩子發脾氣就改變原則
孩子往往鍾意用發脾氣來要脅父母，以達到佢的目的。如果父母讓步的話，在孩子面前表現示弱、驚頭驚尾，或者出於憐憫、同情或嬌寵而就範，最後無條件咩都應承佢，這實際上係縱容，強化左孩子發脾氣的不良行為。
長久落去，孩子的脾氣就可能越來越壞，人也會變得越來越粗暴、任性，成為一個要脅父母的慣犯。因此父母千祈唔好俾孩子的脾氣所威脅，應該用其他方法消除孩子的脾氣。
五、教導孩子情緒管理的方法
想要根治孩子鍾意發脾氣的毛病，家長就要話俾孩子聽點樣合理控制自己的情緒。父母應該多同孩子溝通，瞭解孩子內心的真實想法，等佢正確認識自己的各種情緒；有時可以進行角色扮演，等孩子體會其他人的情緒，學識換位思考，繼而更好控制自己的情緒。
教孩子認同自己，樂觀面對生活，等佢有自信、有安全感，如果有咩不良情緒，可以適當發洩，但唔可以無理取鬧。
六、轉換心情，化解孩子控制唔到的小脾氣
當孩子大發脾氣的時候，唔好同佢硬碰硬，可以考慮俾佢做下其他野，轉移佢的注意力，就係一個簡單可行的方法。講佢鍾意的故事俾佢聽，陪佢睇佢鍾意的卡通片，帶佢去遊樂場…這些都可以令孩子投入去另一件事或者新環境中，繼而唔記得左自己嬲咩。
七、計時隔離，等佢自己冷靜下來
當一個學齡前兒童發脾氣的時候，家長可以在孩子能睇到你的地方繼續正常活動，但唔好理佢。
對於大一點的孩子，規定佢在平靜下來之前，一定要返去自己間房。每當佢發脾氣時，叫佢返自己房，但唔係以教訓、威脅或者鬧交的語氣。呢種方法可以令孩子很快冷靜下來，進行自我反省，以後再犯的機率都會減少。
發脾氣是人的正常情感表達，大人都經常如此，更何況係細路仔了。所以當寶寶扭計發脾氣時，家長們唔會再嫌煩或者驚慌失措了，試試小編推薦這幾個絕招，或者你的孩子都會變成和氣寶寶呢！
