貼士輕鬆生活

浴室成日有小飛飛?四招徹底消滅廁所小蟲

好多大廈地下室污水池附近、學校廁所或公廁之內,成日會見到牆上、尿兜或者洗手台上,停住一隻隻黑色的小蟲,一旦有人經過,小蟲就會飛一下,但飛行力唔強,隨即又停下來。每次上廁所都覺得勁煩,揮又揮唔走,唔知想點咁!其實這種廁所小飛飛叫做「蛾蚋」,對環境和人體都有害!

應該點樣清除廁所小蟲呢?

蛾蚋成蟲大多由化糞池、化糞池入口、污水池、浴室廁所、排水渠和水漕下面湧出,由於蛾蚋孳生於化糞池和排水渠,而且全身披住細毛,好容易攜帶病菌甚至係病原體!

消滅廁所小蟲

當佢地飛入室內,如果飄落在飲品食物上,就會傳播疾病!蛾蚋最常出現在廚房、浴室的牆上,棲息在白色油漆同磁磚牆上的蛾蚋,黑色一點點睇起來就好污糟核突。一旦蛾蚋死後會風化混入塵埃,如果敏感體質的人吸入就容易引起氣管過敏、哮喘等過敏症。

蛾蚋的孳生環境

蛾蚋幼蟲主要孳生在含有腐敗有機物質的積水,包括化糞池、污水池、廁所、浴室洗臉台、地板積水、廚房水槽和潮濕抹布等等,這些地方都能培養大量蛾蚋。室外的淤積排水渠、化糞池和一些有機物質較高的積水容器中,都可以發現蛾蚋幼蟲的蹤影,羽化後的蛾蚋成蟲通常就會停在附近的牆上。

消滅廁所小蟲

蛾蚋可能散播大腸桿菌病毒

白斑蛾蚋和星斑蛾蚋經常出沒在廚房和浴室牆上,而且全身生滿細毛,好容易攜帶病菌,有污染食物和傳播疾病的可能性。蛾蚋的活動性唔高,傳播疾病機率唔算大。

消滅蛾蚋靠呢四招

  1. 屋企任何有積水的容器,都要清理乾淨。蛾蚋主要孳生在各種積水之中,只要將容易積水的容器積水倒掉;地板或水渠積水清晒;維持室外水渠暢通,就可以將蛾蚋的數量控制住。
  2. 保持廁所水管,隨時有水或用蓋蓋住,或者經常保持所有排水孔有水,水乾左就趕快倒水入去,咁樣臭氣唔單止被水擋住,地溝蟲都唔洗旨意可以飛出來。這是最環保、最經濟又最有效的辦法。另外,唔好唔記得洗臉盤係同去水渠相通的,唔用洗臉盤時,都應該將去水口蓋上。  
  3. 殺蟲水加水稀釋,打開去水口,噴完再蓋返埋。如果要長期保持去水口無蛾蚋,可以去超市買罐殺蟲水,加水稀釋之後,打開去水口狂噴一陣,再關返埋上。
  4. 蛾蚋的飛行能力好差,用電蚊拍就可以有效消滅佢地。盡量將環境保持清潔乾爽,就可以減少廁所蛾蚋的數量。

消滅廁所小蟲

每個人每日沖涼都會用到浴室,如果唔留意清潔,讓這些「小蟲子」茲生左,就會傳播病菌俾屋企人啦!

Tags

MamaClub

媽媽最關心嘅食、衣、住、行、育、樂嘅大小資訊,無論妳喺邊個階段嘅媽媽、媳婦或者婆婆都可以喺度揾到妳需要嘅精彩內容。歡迎加入MamaClub我哋一齊分享「湊仔經」。
Back to top button
Close