作者＼Vivien Liu
其實焦糖蒸布丁係我好偷懶嘅甜品。唔單只材料簡單，亦唔會用到焗爐(焗爐嘅溫度有時候我掌握得唔係幾好)，所以呢個對我黎講係相當方便嘅一味甜品。
當然，配方喺每次做嘅時候都會改良一下，希望可以達到最好嘅口感。通常我會用摩斯漢堡果種布丁杯黎做。今日呢個配方嘅份量啱啱好可以整5個。
材料：
布丁：
- 雞蛋—3粒
- 牛奶—330cc
- 鮮奶油—100 cc
- 白砂糖—60g
焦糖：
1.白砂糖—100 g
2.熱水—2大匙
做法：
- 先將雞蛋打散，加入糖攪拌。
- 將鮮奶同鮮奶油混合均勻。
3. 全部材料攪拌均勻，然後過篩3-5次。
4. 然後喺細鍋中放入白砂糖及水，開始製作焦糖。
- 用細火黎煮焦糖，中間唔好攪拌，等到開始變色嘅時候就要全神貫注一下。
6. 睇住變色嘅面積慢慢變大。
7. 然後顏色會慢慢變深，焦糖嘅成熟苦甜滋味同臭灰丹只係一線之差，要非常小心。
8.只要睇到底部出現深色，就可以關火啦。
因為糖嘅溫度好高，即使關咗火，溫度都唔會即刻降下，你睇下，佢即刻蔓延成一片深咖啡色。如果呢個時候仲未關火嘅話，佢就會變燶咗唔食得。(呢張圖已經係上圖嘅熄火狀態)
9.將焦糖倒入容器中，呢個係因為影相先至用呢個磁嘅，唔係嘅話應該係隔籬嘅玻璃樽喺蒸嘅時間上較好掌握。
10. 我會喺倒完焦糖嘅鍋裡面用濾網放入啱啱攪好嘅奶蛋汁。
11.將奶蛋汁與剩下嘅焦糖融合一下，味道會更為濃郁，你可以見到過濾完嘅奶蛋汁係唔會有任何泡泡嘅。
12.將奶蛋汁注入裝布丁嘅容器中，放入蒸鍋裡，一定要將蒸鍋蓋打開小小，中細火蒸。大約30-40分鐘就ok。可以用筷子戳一下蒸鍋，奶蛋汁唔搖晃就ok。
攤凍之後放入雪櫃，焦糖布丁會變得超級滑順。
只要記住，一粒蛋配上大約150嘅液體。可以用牛奶同鮮奶油搭配。鮮奶油嘅比例越多，布丁就會越綿密。牛奶嘅比例越多，則會更加軟嫩。掌握住呢個原則，即使係一顆粒蛋都可以做個快速嘅布丁食。
我後黎想做個實驗，就係將布丁放進入雪櫃嘅冷凍層裡面，睇下可唔可以變成布丁雪糕或者冰糕。
不過攞出黎嗰陣，因為我嘅牛奶加嘅比例比較多，所以食嗰陣有啲脆冰嘅感覺。下次應該試下鮮奶油打發一下嘅口感或者係直接用吉士走冰。
【寶貝的寶貝餐】授權轉載 原文出處【【手做甜點】超柔滑手工焦糖蒸布丁！！】
