呢款三文治飯糰係無心插柳咁做出來的。
有日中午打開雪櫃，
見到仲有三文魚同南瓜，
本來唸住用黎煲粥仔比Bella，
而我自己一人嘅午餐多數都係出街買外賣，
不過當日落雨又濕又悶熱，
結果吾煲粥喇，
用D食材整樣野Bella同我都可以食啦，
所以就快手去洗米煲飯，
整三文治飯糰。
材料夠哂簡單，就係三文魚&南瓜，
其實仲有烚蛋的，
但隻蛋一直係煲入面烚差D忘記左佢，
所以Bella媽無影相，
大家記得要加蛋，加左好味好多嫁。
將南瓜同三文魚蒸熟把壓碎，拌勻。
再將烚蛋切碎加入拌勻。
紫菜我用我是這款BB紫菜。
可以先將飯舖係紫菜上面，
舖餡料，然後剪成三角形，
再把另一片無餡的也剪成三角蓋面即成。
其實大家可以做正方型，
但因我覺得對Bella來說太大，
剪成三角形嘅大小尺寸就最適合Bella。
大家可能會問我點解吾索性做飯卷，
原因係做飯卷只能包入好少餡料，
包太多又太大件Bella食吾到，
做三文治就解決到了。
就這樣，Bella吾使又食悶悶粥，
我又可以一齊食埋，吾好見佢的的式式，
好飽肚又有營養的呀！
