家庭健康飲食駐站作家

清潤湯水:竹蔗茅根馬蹄紅蘿蔔粟米湯

岩岩早幾日去完大阪旅行,剛好遇上颱風,以致行程受阻,但可幸既係大家都平安無事,只係比預期延遲左一日半先返到香港。

返到香港大家都真係攰到一個點,所以趁住放假有時間就即時煲返個清潤既湯水俾大家滋潤下,就算入秋都無有怕啦!

今次要煲既就係竹蔗茅根馬蹄紅蘿蔔粟米湯[

 

小提示

竹蔗茅根都係屬性寒涼既,所以好多時都會使用兩者一齊煮成涼茶清熱。

竹蔗:    具有清熱、生津潤燥既作,而且含多種維生素、氨基酸、鈣、磷、鐵
茅根:    有利尿功效
馬蹄:    含有粗纖維、粗蛋白、鈣、磷、鐵和維生素C,有助清熱、涼血、利尿、通便、解毒、化痰

雖然以上幾樣都係屬寒性,但只要加入生薑、果皮一齊煲就可以平衡返,變成性質溫和,適個一家大細飲用既湯水架啦!中醫話孕媽媽飲左有助舒緩孕吐添架。

竹蔗茅根馬蹄紅蘿蔔粟米湯

清潤湯水:竹蔗茅根馬蹄紅蘿蔔粟米湯

材料:(一至四人份量)

竹蔗                2大條
茅根                一小束
馬蹄                10粒
粟米                1~2條
生薑                數片
紅蘿蔔            一個

做法:

1. 先將所有材料洗淨,備用。再將馬蹄、紅蘿蔔去皮。

2. 將竹蔗、粟米、紅蘿蔔切段,備用。

清潤湯水:竹蔗茅根馬蹄紅蘿蔔粟米湯

3. 煲滾開水,將材料加入已煮滾既開水中煲 1.5 -2小時即成。

清潤湯水:竹蔗茅根馬蹄紅蘿蔔粟米湯

小提示

因為材料屬寒涼,可以於煲滾時加入生薑,或按需要加入果皮,以令湯變得溫和。如想加入肉類增加鮮味亦可。

清潤湯水:竹蔗茅根馬蹄紅蘿蔔粟米湯

做法簡單方便,味道清甜易入口,真係岩晒唔夠訓又食得多熱氣野既JM爸添!

同場加映:小JM小熊午餐Look

 

清潤湯水:竹蔗茅根馬蹄紅蘿蔔粟米湯

整完靚湯俾大小JM,當然都唔少得小JM既午餐啦。今次真係大龍鳳,整公仔又整青瓜。不過見到小JM食得咁開心都抵返晒既!

Tags

發佈留言

發佈留言必須填寫的電子郵件地址不會公開。 必填欄位標示為 *

Back to top button
Close